Напис:  Македонија на пат кон една албанско-македонска предизборна коалиција?

Во едно мултиетничко општество, неопходна е меѓусебната соработка на политичките партии на разните ентитети, но во Македонија сме далеку од ова.

Аналитичарот Исмет Рамадани вели дека по предолгата политичка криза, добро би било да се формира една предизборна коалиција меѓу партиите на Aлбанците и партиите на Mакедонците.

 „Во овие услови мислам дека оваа иницијатива ќе ја зголеми можноста за победа на опозицијата на следните парламентарни избори. Ова ќе ги подобри меѓуетничките односи во земјата“, истакнува Рамадани.

По изборите, победничката партија од македонскиот табор прави коалиција со партиите на Aлбанците. Според Рамадани, ова значи дека постои простор за една предизборна коалиција. (ИНА)

[Рецензија: Македонија на пат кон една албанско-македонска предизборна коалиција?]

Eдна професионална вест се составува од најмалку два независни еден од друг извори. Ова е професионално правило кое новинарот не смее да не го почитува.

Насловите што им се даваат на новинарските написи секогаш треба да ја навестуваат содржината на веста. Во случај кога се манипулира со насловот, било да е тој тенденциозен или несоодветен, може да дојде до дезориентирање на читателот, а новинарот да биде обвинет за клевета или вршење на пропаганда.

Рецензираната вест зборува воопштено, начин што не функционира во нашата професија. Работите треба да се поедностават и да се определат, затоа што јавноста не е подготвена и не секогаш може да ги разбере работите на начинот на кој ги разбира новинарот.

„Во едно мултиетничко општество неопходна е меѓусебната соработка на политичките партии на разните ентитети, но во Македонија сме далеку од ова. Аналитичарот Исмет Рамадани вели дека по предолгата политичка криза, добро би било да се формира една предизборна коалиција меѓу партиите на Албанците и партиите на Македонците“.

Линк до оригиналниот напис: Македонија на пат кон една албанско-македонска предизборна коалиција?

Датум и време на објавување: 08.09.2016

Датум на рецензирање: 09.09.2016

Рецензент: Адриан Керими

Ако во насловот јасно беше одредено дека содржината е заснована врз една изјава или оценување на Рамадани, тогаш ќе беше во ред, но во овој наслов авторот го генерализира прашањето и мислењето на аналитичарот Рамадани го презентира како одлука и како работа за која постои можност да се оствари. Ова прашање, за да се третира така како што сакал авторот, требало да се побара став најмалку од уште еден извор, на пример, од некој политиколог, политичар или, пак, некој друг аналитичар со поинакви погледи од Рамадани. Со толку неговата работа не ќе завршеше, затоа што повторно ќе требаше да се повика на тоа што предвидуваат аналитичарите, а не да дава ставови или да поставува прашања во насловот.

 

„Во овие услови мислам дека оваа иницијатива ќе ја зголеми можноста за победа на опозицијата на следните парламентарни избори. Ова ќе ги подобри меѓуетничките односи во земјата“, истакнува Рамадани. По изборите, победничката партија од македонскиот табор прави коалиција со партиите на Албанците. Според Рамадани, ова значи дека постои простор за една предизборна коалиција“.

Втората страна во новинарството секогаш е потребна, затоа што го балансира информирањето и му дава професионална боја на текстот. Во овој случај потребен е ставот на неколку политички партии, како од опозицијата така и од партиите на власт, кои би ги искажале своите ставови за ова прашање.