Квалитет наспрема квантитет
Објавено во Рецензии
on 4 - 04 - 2016 Автор: Ferikan IljaziЕве што се најде во куќата на Захир Беќири, осомничен за фалсификување документи
Уапсени се братот и сестрата на Захир Беќири-Чауш, осомничениот за тајната работилница за фалсификување документи, пренесува „Телеграфи“.
За време на контролата, во куќата на Чауш е пронајдена опрема за фалсификување, секачи, отворачи, примероци од пасоши, лични карти, итн. Според обвинителството, оваа опрема е употребена за обработка на фалсификувани лични карти и други документи, додека МВР информира дека првин се уапсени тројца, но ниеден не е задржан во притвор, освен едниот, кој требало да одлежи поранешна казна затвор./Телеграфи/
[Рецензија: Еве што се најде во куќата на Захир Беќири, осомничен за фалсификување документи]
Еуфоријата да се направи вест колку да се добијат повеќе кликнувања, полека го убива новинарството. На некои од медиумите во Македонија не им е ни јасно за што пишуваат, бидејќи ѝ се приклучуваат на толпата што ги копира вестите од агенциите или другите медиуми и само се обидуваат да стекнат квантитет на сметка на квалитетот. Во овие случаи, можеме да забележиме дека во содржината има сè, освен една јасна информативна вест.
Линк до оригиналниот напис: Еве што се најде во куќата на Захир Беќири, осомничен за фалсификување документи
Датум и време на објавување: 24.03.2016
Датум на рецензирање: 25.03.2016
Рецензент: Ферикан Илјази
Текстот уште од насловот е тенденциозен, велејќи дека „Еве што се најде во куќата на Захир Беќири, осомничен за фалсификување документи“, а фотографијата има тешко оружје. Не само што оваа фотографија не се совпаѓа со вистината, туку доколку некој го прочита само овој текст за овој настан, никаде нема да прочита дека на „Чауш“ му пронашле и оружје.
„За време на контролата, во куќата на Чауш е пронајдена опрема за фалсификување, секачи, отворачи, примероци од пасоши, лични карти итн. Според обвинителството, оваа опрема е употребена за обработка на фалсификувани лични карти и други документи, додека МВР информира дека првин се уапсени тројца, но ниеден не е задржан во притвор, освен едниот кој требало да одлежи поранешна казна затвор.“
Значи, според овој параграф, во куќата на осомничениот за фалсификување документи се пронајдени само тие предмети што се спомнати погоре, но не и оружје.
Оваа информација што е напишана набрзина, можела да изгледа поинаку. Би ја зел за пример веста на МРТВ за истиот случај, каде стојат сите потребни елементи. Значи, новинарот дава одговор на прашањата: кој е уапсен; зошто е уапсен; што е запленето од куќата на уапсените; кој случај ѝ претходи на оваа акција (за да се поедностави оваа информација за тие што првпат слушаат за „Фабриката на афери“ или за „Чауш“)? Во тој текст, за разлика од овој што го рецензираме, се нагласува дека е пронајдено и оружје, за да не се остави простор за сомнеж или манипулација.
Во Кодексот на новинарите на Македонија уште во воведот се нагласува дека основна задача на новинарите е почитување на вистината и правото на јавноста да биде информирана, во согласност со член 16 од Уставот на Република Македонија и дека улогата на новинарите е споделување на информациите, идеите и мислењата и правото за коментари. Почитувајќи ги етичките вредности и професионалните стандарди во пренесувањето на информациите, новинарите треба да бидат чесни, објективни и точни, стои во посочениот документ.
И ова нè тера да разбереме дека сè што треба да направиме ние, како новинари, е да служиме максимално на вистината и на објективноста, бидејќи ова е и пoјдовната точка во нашата работа. Значи, ние треба да сме прозорец на вистината, која никогаш не треба да буди сомнеж.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни,
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
не аплиактивно
друга пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
наведен автор
КВАЛИТЕТ НА НАСЛОВОТ
не информира
некреативен
сензационален
несоодветен
нејасен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови