Креирање поинаква „вистина“
Објавено во Рецензии
on 26 - 01 - 2016 Автор: Димитар Тануров
[ВИДЕО: Анкетите на ИРИ и Брима Галуп го променија ставот на Заев и СДСМ]
Текстот е коментаторски и едностран, при што со прикривање податоци се обидува да направи спин за причините поради кои опозицискиот СДСМ одлучи да не оди на избори, доколку тие се одржат 24 април.
Линк до оригиналниот напис: ВИДЕО: Анкетите на ИРИ и Брима Галуп го променија ставот на Заев и СДСМ
Датум и време на објавување: 24.01.2016, 09:51
Датум на рецензирање: 25.01.2016
Рецензент: Димитар Тануров
СПИНУВАЊЕ
„Што се смени од крајот на ноември до средината на јануари? Опозицискиот лидер Зоран Заев за неполни два месеци го смени својот став околу одењето на избори, иако во суштина ништо не е променето.“
Текстот се темели на премисата дека за наполни два месеци лидерот на СДСМ го сменил својот став за датумот на изборите. Како поткрепа се дава изјавата на Заев, дадена на 11 ноември минатата година, и притоа се констатира дека оттогаш ништо не е сменето. Според Договорот од Пржино, инаку, изборното законодавство и методологијата за прочистување на избирачкиот список требаше да бидат утврдени до 6 октомври, додека Законот за медиуми до 15 октомври.
Во текстот не се наведува дека oпозицискиот СДСМ, минатата недела, откако политичките лидери не се договорија за спорните точки од Договорот од Пржино, одлучи да не учествува на изборите на 24 април бидејќи нема да бидат исполнети условите за кредибилни избори. Испуштајќи го овој податок, написот се обидува да направи спин дека резултатите од анкетите што ги спроведоа ИРИ и „Брима Галуп“ се причината поради која партијата не сака избори на 24 април.
Текстот нема нови изјави и не содржи нови елементи со кои ќе го оправда објавувањето. Затоа пак, со премолчување на важни податоци и со коментаторските елементи не им остава простор на читателите да создадат целосна слика за ситуацијата, туку наметнува став каков што промовира власта.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
повеќестрани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
има контекстуални линкови
делумно стилски уреден
поврзан со тагови