Комшиски озборувања како новинарски извор
Објавено во Рецензии
on 16 - 12 - 2015 Автор: Зоран Бојаровски
[Рецензија: Кој го кара Заев на српски?]
Иако, можеби, не е најважно, мора да се признае дека доколку му пријдете на текстот како на забавна содржина, додека го читате, ќе налетате на неколку места и поенти кои слатко ќе ве насмеат. Како насловот, на пример: „Кој го кара Заев на српски?“. Наликува на наслов на некој комичен филм. Како она, „Кој му го смести на зајакот Роџер?“ Нели?
Втората смешка е банална, бидејки е стар виц и се однесува на флоскулата „извори на медиумот откриваат“.
Бисер во овој дел е откритието на авторот на оваа медиумска содржина дека тој се повикува на „соседи и новинарски екипи“, на кои им ја припишува најбисерната новинарска реченица во овој текст:
„Викотници на српски јазик од штабот на СДСМ за неспособното раководство.“
Замислете, соседи и новинарски екипи слушале викотници на српски за неспособното раководство на СДСМ. Замисливте? Не? Некако не ви оди, нели?
Па, нормално дека не оди, зашто една сериозна новинарска содржина, креирана од професионалци не се пишува врз основа на комшиски озборувања или на муабетите рекла-кажала на „новинарски екипи“. Ако воопшто имало такво нешто.
Линк до оригиналниот напис: Кој го кара Заев на српски?
Датум и време на објавување: 13.12.2015
Датум на рецензирање: 15.12.2015
Рецензент: Зоран Бојаровски
БИСЕР ДО БИСЕР!
Целата сторија е, инаку, конструирана, од позајмени текстови и од констатации од една соседна земја и се однесуваат на една агенција за односи со јавноста, специјализирана за политичка комуникација.
Таа агенција во текстот се наведува како компанија која е ангажирана од СДСМ, но за тоа нема ниту еден доказ. Освен, уште еден од бисерите, дека пред седиштетото на СДСМ честопати бил виден автомобил со белградски таблички. Дали е тоа доволно, запрашајте се и самите.
За да може да биде доволно, авторите на текстот, всушност, целата приказна ја градат врз искуството и врз репутацијата што таа агенција го стекнала и го има во Република Србија, иако дури и за тоа не гледаме релевантен, авторитетен извор. Се спомнуваат општо написи во медиуми во Србија и само едно конкретно име и медиум (НИН). Дури и од тој конкретен медиум е преземена една крајно општа констатација за движењето на парите меѓу рекламниот бизнис и политичките партии, а тоа, секако, не може да биде факт кој мора да го прифатиме како реалност и во случајот на СДСМ.
Впрочем, зошто би било грев една политичка партија да договори зделка со некоја агенција за стратегија за односи со јавноста? Тоа не е забрането. Дури и српски да зборуваат тие од агенцијата.
За да се засили негативниот контекст во кој се „туркаат“ најголемата опозициска партија и нејзиниот лидер, оваа содржина е „филувана“ со фотографии кои имаат цел да вознемират.
За да има многу текст, бидејки тоа звучи и изгледа сериозно, се рециклираат стари случаи („Надеж“), некогашни функционери на опозицијата (Црвенковски), проткаени со коментари. Врв на оваа конструкција, шпекулација, како сакате, е последниот пасус во кој авторот на оваа медиумска содржина сугерира како ќе се исперат „црните пари“ со кои се платени услугите на агенцијата. Тоа не се цитира. Тоа сами треба да го прочитате.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
повеќе извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
има контекстуални линкови
делумно стилски уреден
поврзан со тагови