Коментарите од социјалните мрежи не се релевантни за вест
Објавено во Рецензии
on 19 - 07 - 2016 Автор: Xhenis Sulimani
Напис: Аналитичарот од Дебар ги провоцира Албанците од Скопје, Тетово и од Куманово, го фали Ахмети!
Аналитичарот од Дебар, Артин Спахиу, познат и по тоа што во еден напишан ред става најмалку две пофалби за ДУИ, силно ги провоцира Албанците од Скопје, Куманово и од Тетово. Тој претседателот на ДУИ, Али Ахмети, го нарече „лидер на визијата“, иако за време на учеството на ДУИ и на Али Ахмети во владината коалиција со ВМРО-ДПМНЕ, во Скопје се случи убиството на Харун Алиу со другарите и случајот „Монструм“, во Куманово се случи предавството на 9 и на 10 мај и убиството на командант Шќипоња (кумановци и ден-денес не го прифаќаат Али Ахмети во нивниот град), додека пак во Тетово се случи „Југохром“, депонијата и многу други штети.
Еве што пишува Спахиу во неговата скандалозна објава на „Фејсбук“, каде го фали претседателот на ДУИ, Али Ахмети. „Кога светската дипломатија го проценува како најсериозниот лидер на политичката сцена во Македонија, тоа покажува дека Али Ахмети е единствениот лидер и државник во оваа земја. Али Ахмети е лидер на визијата и на големите национални цели!“, напишал Спахиу. Дај боже да не мисли сериозно, туку да се работи само за шега!
[Рецензија: Аналитичарот од Дебар ги провоцира Албанците од Скопје, Тетово и од Куманово, го фали Ахмети!]
Новинарскиот производ губи од професионалноста доколку на една изјава што се цитира, новинарот ѝ дава насока каква што сака, правејќи девијација на изјавата на лицето што се цитира.
Линк до оригиналниот напис: „Аналитичарот од Дебар ги провоцира Албанците од Скопје, Тетово и Куманово, го фали Ахмети!”
Датум и време на објавување: 11.07.2016, 16:52
Датум на рецензирање: 14.07.2016
Рецензент: Џенис Сулимани
МЕНУВАЊЕ НА ПОРАКАТА
Текстот што го рецензираме не дава никаква информациска вредност, освен што се обидува да толкува една субјективна изјава и да ја насочи содржината каде што сака. Ова најдобро го докажува коментарот во текстот за цитатот на споменатиот Артин Спахиу, кој е подолг од постот за којшто пишува.
„Аналитичарот од Дебар, Артин Спахиу, познат и по тоа што во еден напишан ред става најмалку две пофалби за ДУИ, силно ги провоцира Албанците од Скопје, Куманово и од Тетово. Тој претседателот на ДУИ, Али Ахмети, го нарече „лидер на визијата“, иако за време на учеството на ДУИ и на Али Ахмети во владината коалиција со ВМРО-ДПМНЕ, во Скопје се случи убиството на Харун Алиу со другарите и случајот „Монструм“, во Куманово се случи предавството на 9 и на 10 мај и убиството на командант Шќипоња (кумановци и ден-денес не го прифаќаат Али Ахмети во нивниот град), додека во Тетово се случи „Југохром“, депонијата и многу други штети“.
Лицето што се цитира во текстот е партиски кадар и во таков контект очекувано е да крои пофалби за лидерот дури и тогаш кога тој потфрлил. Во овој контекст, од коментар на партиски обоена личност е погрешно да се прави вест.
ОБЈАВИТЕ НА „ФЕЈСБУК“ НЕ СЕ ДОБАР ИЗВОР
Инаку, „Фејсбук“ не може да се земе целосно како релевантен извор за еден новинарски производ, уште помалку кога коментарот нема врска со општиот интерес. Тенденцијата да се направи вест од еден таков коментар создава впечаток дека цел на текстот била да се нападне личноста, а не да се информира јавноста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
Фејсбук
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
нема контекстуални линкови
стилски неуреден
неповрзан со тагови