Кој потврдил дека нема фантомски гласачи?!
Објавено во Рецензии
on 14 - 03 - 2016 Автор: Александар Писарев
[Рецензија:Нема фантомски гласачи ниту двојни уписи во Избирачкиот список]
Во општественото милје во кое во центарот на јавниот интерес е избирачкиот список, прилогот со вешти манипулации, извртени факти и со дискредитација на политичките противници, без аргументи ги брани позициите на власта и уште во насловот тврди нешто што допрва треба да се провери: „Нема фантомски гласачи ниту двојни уписи во Избирачкиот список“. Притоа, ги сокрива фактите, манипулира со наменски срочени формулации на одредени реченици за да ја „сврти водата на својата воденица“.
Линк до оригиналниот напис: Нема фантомски гласачи ниту двојни уписи во Избирачкиот список
Датум и време на објавување: 9.03.2016 17:04
Датум на рецензирање: 10.03.2016
Рецензент: Александар Писарев
АКТУЕЛЕН ИЛИ ПОРАНЕШЕН ПРЕТСЕДАТЕЛ НА ДИК?
Во првиот дел од текстот, без да се спомене изворот, се прераскажни инсерти од еден ден предходно емитуваната емисија „Топ-тема“ на телевизија „Телма“, во која пратеникот од дијаспората во парламентот, Павле Саздов, ги брани позициите на владејачката партија дека избирачкиот список е во ред и дека опозицијата намерно манипулира со наводни неправилности. Написот свесно ја елиминира втората страна која има спротивни агрументиј со што текстот е едностран и неизбалансиран.
За да добие прилогот „тежина“, пред камерата е ставен Александар Новаковски, кој е претставен на таков начин што се добива впечаток дека е актуелен претседател на Државната изборна комисија предложен од опозицијата.
„Новаковски кој на челната позиција на ДИК дојде како предлог на СДСМ смета дека воведувањето на апликацијата за проверка на избирачкиот список внесе непотребна забуна меѓу гласачите и им остави простор на партиите да лицитираат со адреси и да будат недоверба кај гласачите во избирачкиот список.“
Во овој дел на текстот има кратки коментари, вметнати за да се добие впечаток дека и „нивните се против нив и ги бранат позициите на власта“. На соговорникот му е „ставено в уста“ и нешто што тој во прилогот не го кажал.
ГЛАВАТА ВО ПЕСОК
Сокриена е вистината дека Новаковски поради манипулацииите во ДИК уште во февруари 2011 година поднел оставка на оваа функција. Тоа требало јасно да се каже при неговото претставување и да не се остава простор за дилемата дали е тој и понатаму на челната позиција во ДИК.
Вториот дел на текстот содржински е стереотипен и неаргументиран напад и дисквалификација на опозицијата и на медиумите кои мислат спротивно од власта. По кој знае кој пат, без докази и неаргументирано, ставени се под сопственичката структура на Сорос. Иако таква институција во Македонија не постои, а овој израз медиумите блиски до власта го користат во пејоратив да се дисквалификува Фондацијата „Отворено општество“ – Македонија, што според стандардите на професијата не е дозволено.
Неаргументирано се напаѓа и министерот за внатрешни работи, со обвинение дека не презема ништо околу избирачкиот список. Прилогот не побарал и мислење од министерот за да ја чуеме и втората страна, што е основен принцип и обврска во новинарската професија. Ако бил одбиен од страна на министерот, тоа требало да се каже во текстот.
„Оливер Спасовски не презема никакви активности што отвора простор за сомнеж дека опозицијата свесно ја одложува проверката на наводно спорните адреси за да може подоцна да си обезбеди алиби за бегство од изборите или пак оправдување за извесниот изборен пораз.“
Крајот на написот е манипулативно и вешто смислен коментар како „храна“ за партиското членство и за подржувачите на ВМРО-ДПМНЕ, во кој „списокот на желбите“ на владејачката партија да добие уште еден мандат, се претствени како завршена работа. А, „доказ“ за тоа, наводно, е испитување на јавното мислење, според кое, е потврдена недостижната предност на владејачката партија на која ѝ е загарантирана победа на изборите со огромна разлика во гласовите!
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
делумно
делумно
делумно
ИЗВОРИ НА ИНФОРМАЦИИ
има евидентирани извори
неофицијални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
креативен
сензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови