verifikimiifakteve.mksitemap
verifikimiifakteve.mksitemap

Кој кому кажува в очи, решава јавноста!

on 30 - 03 - 2016       
Овој напис го има и на: Албански

FireShot Screen Capture #086 - 'Sulejmani Ia Thotë Në Sy Ademit Të BDI-së_ Do T’a Shihni _' - www_almakos_com_sulejmani-ia-thote-ne-sy-ademit-te-bdi-s

Сулејмани му кажува в очи на Адеми од ДУИ: На избори ќе видите која е Беса!(Видео)

Во емисијата „Аргумент“ на МТВ2, на албански јазик, остро се судриле претставникот на албанската партија на власт, ДУИ, Арбер Адеми, и претставникот на движењето Беса, Дритон Сулејмани.

Адеми од ДУИ сакал да го спореди движењето Беса со партиите што се појавиле и порано кај Aлбанците, меѓутоа се соочил со категоричен одговор од Сулејмани: „Имајќи го предвид големото разочарување на Aлбанците, јас сум сигурен во победата на движењето Беса. Ќе се уверите и сами“, реплицирал Сулејмани за време на острата дебата.

И Сулејмани и Адеми се од Куманово, град каде што претседателот на ДУИ, Али Ахмети, не е добредојден, по настаните од 9 и од 10 мај од минатата година и по убиството на Командант Шќипоња. Меѓутоа, претставниците на ДУИ од овој град не покажуваат знаци на срам за фактот дека ногата на Ахмети оттогаш не стапнала во Куманово, што ги иритира уште повеќе многу граѓани на Куманово.

 

[Рецензија: Сулејмани му кажува в очи на Адеми од ДУИ: На избори ќе видите која е Беса!]

Новинарите поттикнуваат дебата и не фаворизираат некој од учесниците во дебатата. Нивната улога е да бидат конструктивни за време на дебатата и да не бидат еднострани. Кога на неколку дена по дебатата „се крои“ еден информативен труд, во кој освен едностраноста се додаваат и елементи на коментари, содржината излегува надвор од професионалните стандарди. Јавноста е таа што има право да суди за тоа кој имал посилни аргументи во дебатата и кој кому кажува в очи, а не новинарот. Секој што ја следи дебатата или информацијата за неа, доколку таа информација е сеопфатна, може да суди врз тоа што го перцепира.

Текстот што го рецензираме не ги исполнува начелата на професионалното новинарство. Содржината освен што ја фаворизира едната страна, ја понижува другата, дури и обвинувајќи ја за нешто што веќе не претставува вест.

 

„Во емисијата „Аргумент“ на МТВ2, на албански јазик, остро се судриле претставникот на албанската партија на власт, ДУИ, Арбер Адеми, и претставникот на движењето Беса, Дритон Сулејмани. Адеми од ДУИ сакал да го спореди движењето Беса со партиите што се појавиле и порано кај Албанците, меѓутоа се соочил со категоричен одговор од Сулејмани: „Имајќи го предвид големото разочарување на Албанците, јас сум сигурен во победата на движењето Беса. Ќе се уверите и сами“, реплицирал Сулејмани за време на острата дебата.“

Sulejmani Ia Thotë Në Sy Ademit Të BDI screenshotЛинк до оригиналниот напис: „Сулејмани му кажува во очи на Адеми од ДУИ: Во избори ќе видите која е „Беса“!”

Датум и време на објавување: 23.03.2016

Датум на рецензирање: 24.03.2016

Рецензент: Адриан Керими

Следниот параграф продолжува да го проблематизира професионалниот пристап. Што има врска тоа што и двајцата учесници се од ист град? Ова не значи дека тие мора да имаат исти мислења, уште повеќе кога го имаме предвид фактот дека припаѓаат на различни политички субјекти.

Одвлекувањето на вниманието на читателот продолжува во следната реченица и го оддалечува од предметот на написот, а ова се случува благодарение на мешањето на неколку прашања во една иста вест. За каква ексклузивна вест е информиран читателот во овој дел од текстот, кога фактот дека лидерот на ДУИ не го посетил Куманово е стара вест, а содржината не дава конкретни докази за тоа дека Ахмети не е добредојден во овој град.

„И Сулејмани и Адеми се од Куманово, град каде што претседателот на ДУИ, Али Ахмети, не е добредојден по настаните од 9 и од 10 мај минатата година и по убиството на Командант Шќипоња.“

Етичкиот кодекс, во членот 13, јасно порачува:

Новинарот треба да прави разлика меѓу фактите и мислењата, меѓу веста и коментарот.

Став 1Новинарите имаат право на свое мислење, став и проценка, но не смеат нивните мислења да ги камуфлираат како да се факти.

Став 2: Треба јасно да се поделени кои се факти, а кои информации, и кои се коментари, претпоставни или ставови на авторот за да се избегне дезинформирање и манипулација со јавноста.

„Меѓутоа, претставниците на ДУИ од овој град не покажуваат знаци на срам за фактот дека ногата на Ахмети оттогаш не стапнала во Кунаново, што ги иритира уште повеќе многу граѓани на Куманово.“

Можноста да се коментира една дебата во оваа насока постои, но во друга категорија и жанр, а не во вест за една дебата. Новинарите или редакцијата ја имаат можноста и правото преку едиторијалот да ја коментираат дебатата и да дадат свои ставови и претпоставки, што ќе беше сосема во ред од професионален аспект, доколку се ставаат во соодветна рубрика или жанр.

Во оваа форма не можеме да кажеме дека имаме работа со една вест, туку со еден субјективен став и процена, што оваа редакција го артикулирала како вест. Непрофесионалниот пристап во текстот се гледа и во доминацијата на ставот на едниот од учесниците во дебатата наспроти вториот, во конкретната дебата имаше уште еден учесник, кој не се споменува никаде во текстот. Ова уште повеќе ја зголемува дозата на едностраност на оваа содржина.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

делумно

делумно

делумно

infoVistinitostИЗВОРИ НА ИНФОРМАЦИИ

има евидентирани извори

официјални

релевантни

1 извор

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

не може да се утврди

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

не може да се одреди

ненаведен автор, наведен извор без линк

infoVistinitostКВАЛИТЕТ НА НАСЛОВОТ

не информира

некреативен

несензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

средно читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести