Како смеел Иванов да ја критикува Владата?!
Објавено во Рецензии
on 26 - 08 - 2016 Автор: Ана Анастасовска[Рецензија: Иванов по секоја цена бара причина да влезе во конфликт со владата, под импресија на критиките на СДСМ дека не е самостоен]
Текстот што е предмет на оваа рецензија е коментаторски и би можел да се најде во рубриката за коментари, а не во рубрика за вести. Тој е политички мотивиран и има цел да го дискредитира претседателот Ѓорѓе Иванов, само поради тоа што во неговиот говор по повод Денот на Армијата упатил критики кон државните институции за тоа како се справиле со проблемите во поплавените подрачја во Скопско.
Линк на оригиналниот напис: Иванов по секоја цена бара причина да влезе во конфликт со владата, под импресија на критиките на СДСМ дека не е самостоен
Датум и време на објавување: 18.08.2016
Датум на рецензирање: 26.08.2016
Рецензент: Ана Анастасовска
ИВАНОВ НЕ СМЕЕ ДА ИМА СВОЕ МИСЛЕЊЕ!
Уште од самиот наслов на текстот се гледа неговата тенденција – да се дискредитира претседателот Иванов како политичар, поради дадено сопствено мислење. Во написот, кој личи на коменатр, се прави обид тој да се пласира како вест, повикувајќи се на некакви „познавачи на политичките состојби и на состојбите во АРМ“, но од тие познавачи во текстот нема ниту трага, ниту глас.
Написот го напаѓа Иванов за тоа што упатил критики кон Владата, обвинувајќи го дека „по секоја цена наоѓа начин и изговори да влезе во конфликт со македонската влада“, иако за тоа нема никакви аргументи во текстот. Прво, нема извадок од говорот на Иванов кој предизвикал внимание и кој се обработува во оваа новинарска содржина. Поради тоа, ставот на Иванов лесно може да е изваден од контекст и да се спинува. Кога читателот сам ќе прочита што кажал шефот на државата, ќе може и сам да оцени дали напишаното во врска со тоа држи вода. Но, тоа тука не е случај.
„Познавачите на политичките состојби коментираат дека во вториот мандат на Иванов, кога веќе толку не му е важна поддршката од ВМРО-ДПМНЕ за уште еден мандат имајќи ги во предвид уставните ограничување за не повеќе од 2 мандати, неоспорен факт е дека Претседателот Иванов во првиот мандат на памет не му паѓаше вака да се однесува со владата без чија поддршка невозможно ќе беше да победи на изборите. Пресметливата стратегија на Иванов е видлива“.
Овој дел од текстот е скандалозен. На Иванов на памет не му паѓало во првиот мандат да ја напаѓа Владата бидејќи му била потребна нејзината поддршка за да победи на избори. Директно се сугерира дека тој не бил избран заради тоа што вредел како кандидат и имал програма, туку затоа што партијата го кандидирала и ако не била таа, немало ни да победи. Но, сега, на крајот од вториот мандат, тој се осудил да ја критикува Владата и тоа под притисок на опозицијата. Ова се тврдења без никакви аргументи. Имаме само претпоставки базирани на анонимни познавачи.
„Така размислува тој, а дали е тоа паметно и дали е коректно кон ВМРО-ДПМНЕ после се она што го направија за него е сосема друга тема додаваат експертите“.
Она што на крајот го додаваат „експертите“ е уште поскандалозно. Се убедува читателот дека не е добро претседателот да ја критикува партијата што го поставила на функција. Според Уставот, претседателот не е претседател на партијата, туку на сите граѓани на Македонија.
На крајот од текстот се гледа политичката мотивираност на овој напис и пропагандата што ја шири. Овој новинарски производ е целосно спротивен на новинарските норми и правила.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
поврзан со тагови