verifikimiifakteve.mksitemap
verifikimiifakteve.mksitemap

Извитоперена порака

on 15 - 03 - 2016       
Овој напис го има и на: Албански

katica

[“Хојт Ли до Катица Јанева: не ја партизираj работата на обвинителството”]

 

Написот што е предмет на оваа рецензија претставува класичен пример за невистина и за манипулација. Имено, во текстот е изваден дел од официјално соопштение, кој е извртен, намерно погрешно преведен, така што сосема му е сменета суштината.

Хојт Ли до Катица Јанева не ја партизираj работата на обвинителството ВечерЛинк на оригиналниот напис: “Хојт Ли до Катица Јанева: не ја партизираj работата на обвинителството”

Датум и време на објавување: 09.03.2016

Датум на рецензирање: 14.03.2016

Рецензент: Ана Анастасовска

 

НЕВИСТИНА И МАНИПУЛАЦИЈА

Во самиот наслов и на почетокот од текстот се нагласува дека високиот американски функционер Хојт Ји, при посетата на Специјалното обвинителство и средбата со Катица Јанева ѝ упатил остра порака на специјалната обвинителка, да не ја партизира работата на обвинителството.

„Острата порака од заменик-помошникот државен секретар на САД Хојт Ли за работата на специјалното јавно обвнителство и Катица Јанева е наведена во официјалната изјава по средбите во Македонија минатата недела, а која е објавена на официјалната страна на американската амбасада во Скопје.“

Притоа, посочен е и линк од официјалната веб-страница на американската амбасада, каде е објавено оригиналното соопштение.

Подолу во написот се воочува вистинската манипулација:

„Го повикуваме специјалното јавно обвинителство и обвинителката да не ја партизира работата на обвинителството – that her work be as non-political, as independent, as possible – стои во официјалната изјава на заменик-помошникот државен секретар на САД Хојт Ли за работата на специјалното јавно обвнителство и Катица Јанева е наведена во официјалната изјава по средбите во Македонија минатата недела, а која е објавена на официјалната страна на американската амбасада во Скопје.“

Тука повторно е ставен линкот од официјалната веб-страница на амбасадата, а пренесен е и делот од соопштението што во овој напис е извртено.

Еве го оригинално, делот посветен на специјалното јавно обвинителство.

„Lastly, on Przino, let me just mention… One other aspect we are following of course is the work of the Special Prosecutor, whose work we believe is quite important in closing this chapter, this difficult chapter in Macedonian political history.  We think it is very important for all the institutions, the government, and the parties to cooperate with the work of the Special Prosecutor, that her work be as non-political, as independent, as possible. “

Секој што разбира англиски и ги следел претходните пораки на Хојт Ји, веднаш ќе сфати дека пренесеното во текстот нема ништо со оригиналот. Односно, овој дел од соопштението, намерно е неточно преведен, за да се изманипулира јавноста дека Хојт Ји ѝ упатил остра порака на Јанева да не ја партизира работата на специјалното обвинителство.

Но, ваквата порака, всушност, не е упатена до Јанева, туку до „сите институции, Владата и до партиите“.

Пораката гласи:

„Последно, во врска со Пржино, дозволете ми да спомнам… Еден друг аспект кој го следиме, секако, е работата на специјалниот обвинител, чија работа, веруваме дека е прилично важна во затворањето на ова поглавје, ова тешко поглавје во македонската политичка историја. Сметаме дека е многу важно за сите институции, Владата и за партиите да соработуваат со специјалната обвинителка, за нејзината работа да биде што е можно повеќе неполитичка и независна.“

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

делумно

неверодостојни наводи

infoVistinitostИЗВОРИ НА ИНФОРМАЦИИ

има евидентирани извори

официјални

релевантни

1 извор

еднострани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

лажни информации

наклонетост

политичка пристрасност

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

оригинално дело

ненаведен автор, наведен извор со линк

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

информира

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

солидни мултимедијални елементи

има контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести