Изместен фокус
Објавено во Рецензии
on 11 - 03 - 2016 Автор: Зоран Бојаровски
[Рецензија: За СДСМ, сите спорни адреси веќе се фантоми-гласачи]
Една од класичните постапки на пропагандата е изместувањето на фокусот. Најприменлив амбиент за оваа постапка се медиумите. Тие можат вниманието на јавноста да го пренасочат, да го дефокусираат од клучната точка на проблемот кон нешто друго. Нешто што е по мерка на тие што нарачуваат вакви постапки од медиумите.
Неколку елементи од медиумската содржина што ја рецензираме укажуваат на тоа дека и во неа препознаваме таква постапка.
Имено, главната теза на овој текст е дека опозицијата треба да ја докаже реалноста на фантомските гласачи, што е класично изместување на фокусот. Масовната бројка на фантомски гласачи што овие денови испливаа на површина, откако беше објавена апликацијата за проверка на избирачкиот список, укажа на појава која сериозно го исправа пред искушение претстојниот процес на прочистување на списокот.
Да бидеме реални, би било бесмислено опозицијата да пропушти една таква шанса – политички да ги коментира илјадиниците фантоми во избирачкиот список. Таква е политичката борба.
Линк до оригиналниот напис: За СДСМ, сите спорни адреси веќе се фантоми-гласачи
Датум и време на објавување: 08.03.2016, 23:29
Датум на рецензирање: 10.03.2016
Рецензент: Зоран Бојаровски
ЗОШТО ОПОЗИЦИЈАТА ДА ГИ ДОКАЖУВА „ФАНТОМИТЕ“?
Овој текст го осудува стилот на политичката борба на опозицијата и бара од неа, прикажувајки го тоа како некоја доблесна потреба, да понуди докази за илјадниците фантоми во списокот.
Новинарите можат да пишуваат за стилот на политичката борба на некоја политичка партија и за тоа да побараат мислење од познавачи, експерти. Но, не можат да обвинуваат за недоследност на една партија зашто не понудила докази, бидејки таа тоа не мора да го прави.
Во политичкиот дискурс доволни се укажувањата на неправилности, по кои на сцената стапуваат институциите.
Тоа е фокусот кон кој треба биде насочена новинарската приказна. Во случајот на оваа медиумска содржина, тоа го нема. Докази за фантомите во избирачкиот список треба да понуди Државната изборна комисија (ДИК) во соработка со другите институции. Најмногу со МВР.
Листата на досегашите претседатели на ДИК воопшто не е гарант дека проверката можела да се прави ако другите институции не соработувале (МВР, најмногу).
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, неофицијални
релевантни, нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски уреден
неповрзан со тагови