Илјадници евра истресени од ракав!
Објавено во Рецензии
on 9 - 01 - 2016 Автор: Симона Атанасова[Рецензија:Специјалната обвинителка со семеен буџет тежок илјадници евра]
Ова е уште еден од низата текстови што неуморно се обидуваат да ја дискредитираат специјалната јавна обвинителка Катица Јанева, која е една од најважните алки во процесот за расчистување на најголемата криза во која се наоѓа Македонија по конфликтот во 2001 година.
Линк до оригиналниот напис: Специјалната обвинителка со семеен буџет тежок илјадници евра
Датум и време на објавување: 05.01.2016, 11:11
Датум на рецензирање: 08.01.2016
Рецензент: Симона Атанасова
ПРОЦЕНКИ ОД ОКО
Најновиот напад е дека „семејниот буџет на обвинителката тежи илјадници евра“, а освен претпоставката за платата на Јанева, нема ниту еден друг податок дека буџетот на нејзиното семејство достигнува толква сума. Самиот збор „илјадници“, пак, не е конкретен и може да се однесува на две илјади евра, но и на десетици, па и на стотици илјади евра.
Во текстот се вели:
„Нетпрес дојде до документ кој покажува дека нејзиниот син, Лазар Јанев е едно од лицата одговорни во Транзитниот Центар Винојуг во Гевгелија, и е дел од проект финансиски поткрепен од Данскиот совет за бегалци. Според неофицијалните податоци до кои дојде Нетпрес, месечниот надомест кој Лазар Јанев го добива за својот ангажман во оваа странска организација, изнесува неколку илјади евра.“
Меѓутоа, написот не посочува докази дека платата на синот на Јанева „изнесува неколку илјади евра“ ниту, пак, кажува колку се тоа „неколку“. Во текстот е прикажан документ во кој го пишува името на синот на Јанева, како и уште седум други имиња, но во него ја нема сумата за која тој бил ангажиран.
Во написот се шпекулира и за платата на Јанева, дека изнесува околу 1.700 евра, но и за овој износ нема никаква потврда.
Исто така, не се забележува дека е направен обид да се побара Јанева за да потврди или да демантира дали финансиската состојба на нејзиното семејство е навистина таква. Наспроти тоа, написот без никаква потврда заклучил дека
„само два члена од семејството Јаневи месечно заработуваат неколкупати повеќе од секое просечно семејство во Република Македонија.“
Еден професионално сработен текст не смее да проценува „од око“ колку заработува јавниот обвинител. Темата е интересна, но на читателите треба да им се прикажат точни и проверени податоци, а не да се шпекулира со бројки и да се поигрува со суми истресени од ракав!
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
креативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови