Игра на проверена карта на мистика и на сензационализам
Објавено во Рецензии
on 21 - 11 - 2015 Автор: Владо Ѓорчев
[Рецензија: ЛУЗНИ ОД МИНАТИОТ ЖИВОТ ЕВЕ ШТО ЗНАЧАТ БЕЛЕЗИТЕ ОД РАЃАЊЕ?]
Дали новинарите треба да известуваат за вакви теми и колкаво е нивното познавање? Ова прашање се наметнува веднаш затоа што овој текст не нуди чувство дека се работи за добро „потковани“ новинари. А, кога се оддава такво чувство, веднаш секој читател треба да се праша зошто написот нема консултирано некое стручно лице. Па, тој да каже што се белезите, како настануваат и што ни кажуваат. Ако во таков контекст се смести и ова суеверно четиво, можеби и ќе му се прогледа низ прсти.
Линк до оригиналниот напис: ЛУЗНИ ОД МИНАТИОТ ЖИВОТ ЕВЕ ШТО ЗНАЧАТ БЕЛЕЗИТЕ ОД РАЃАЊЕ?
Датум и време на објавување: 18.11.2015
Датум на рецензирање: 20.11.2015
Рецензент: Владо Ѓорчев
Во медиумите неретко се среќаваат вакви текстови. Ако ја разгледуваме вистинитоста, тогаш потрагата нема да нè однесе далеку. Во текстот нема ниту извор што ќе го потврди тоа. Ако извор за ваква работа воопшто и може да се најде?!
Текстот, исто така, не може да се пофали со голема содржајност, а не може ниту да се очекува да биде содржаен кога третира информација што навлегува на полето на мистиката и на сензационализмот. Меѓутоа, новинарот можел да консултира извори што ќе објаснат што се, всушност, белезите по телото.
Текстот не нуди никакви факти. Тој, најверојатно, е преведен од некаде, но ниту тоа не е посочено.
По сè изгледа, на проверената карта на сензационализмот медиумот протуркал текст за некаква мистичност на појавувањето на белезите.
Текст кој се повикува на „луѓе кои веруваат во реинкарнација“, не може да се земе за сериозно четиво. Тоа не е посебен извор, ниту поблиску го доловува. Инаку, познато е дека вакви текстови ќе предизвикаат повеќе кликнувања и посети, ама тоа не го прави и написот професионален. Затоа ова е уште една информација која е за дневна употреба, да се искористи и да се фрли.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
целосно прикажува вистина
извртување на вистина (спин)
лажни информации
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
нејасен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови