Игнорирана важна компонента во приказната
Објавено во Рецензии
on 5 - 02 - 2016 Автор: Владимир Мирчески[Рецензија: Конструктивна средба меѓу Владата и новинарите – ако законот се менува нека се усвои од ЕУ]
Нецелосна вест, селективна во нејзината суштина што се одразува и на содржината која е „кородирана“, бидејќи е игнорирана важна алка во настанот. Намерното и своеволно изземање на најстарото и најзначајното новинарско здружение од приказната за преговорите за медиумите е доказ и за пристрасноста на материјалот.
Линк до оригиналниот напис: Конструктивна средба меѓу Владата и новинарите- ако законот се менува нека се усвои од ЕУ
Датум и време на објавување: 02.02.2016, 19:22
Датум на рецензирање: 05.02.2016
Рецензент: Владимир Мирчески
ЗНМ МОЖЕ ДА НЕ ГО САКАТЕ, АМА НЕ И ДА ГО НЕГИРАТЕ НЕГОВОТО ПОСТОЕЊЕ
Станува збор за настан составен од три компоненти – средби на премиерот за спроведување на изборите, Емил Димитриев, со Македонската медиумска асоцијација, со Македонската асоцијација на новинари (МАН) и со Здружението на новинари на Македонија (ЗНМ). Темата на разговори е исклучително значајна, обид за затворање на едно од клучните прашања – медиумската сфера, која сама по себе е еден од показателите за степенот на демократските процеси во земјава.
Убаво, но ако од приказната за разговорите за ова прашање го исклучите едниот од трите соговорници на премиерот, а тоа е ЗНМ, тогаш дали зборуваме за кредибилен новинарски производ што треба на публиката да ѝ даде објективен приказ на ситуацијата и на ставовите на главните чинители? Не, апсолутно не! Нејасно е, според кој критериум е решено дека ЗНМ е непотребно во сторијата? Да, го има ставот на Владата, на петте национални телевизии организирани во асоцијација, на поновата новинарска организација, ама каде е позицијата на ЗНМ? Ја нема!
Интересно, во првата реченица текстот наведува дека Димитриев се сретнал со трите новинарски и медиумски здруженија и асоцијации, ама се изнесени мислењата само на две, а она на ЗНМ недостига. Селективност или што?!
Може некому да не му се доапаѓа начинот на кој работи ЗНМ, да не се согласува со неговите позиции, ама тоа во никој случај не дава право туку-така да се отстрани од напис што зборува за процес чиј учесник е токму ЗНМ!
ШАРАМ-БАРАМ МАТЕМАТИКА
Друга работа што боде очи е расфрлањето со проценти.
„Во однос на законот за медиуми, Владата смета дека постоечкиот закон е добар, но ако партиите сметаат дека треба промена, тогаш позиција на Владата е дека за неа е прифатлив било кој закон од било која земја-членка на ЕУ.
Оваа позиција на Владата за законот е прифатлива за организациите кои се претставници на 75 отсто од македонските новинари.“
Кои се тие организации што претставуваат 75 отсто од македонските новинари? ЗНМ не е на таа линија, што по аналогија би значело дека во МАН членуваат три четвртини од новинарите во земјава?! Шарам-барам – математика!
Исклучувањето на ЗНМ од написот недвосмилено укажува на пристрасност не само кон МАН, туку и во однос на власта зашто ЗНМ има поинакви ставови од нејзините. Поточно, во целиот напис провејува еден „дух“ на поддршка на позициите на Владата, кои во основа се исти со оние на владејачката партија, за тоа како треба да се реши прашањето за медиумската сфера. Тоа најдобро се гледа од насловната конструкција која е спин на реалната ситуација:
„Конструктивна средба меѓу Владата и новинарите- ако законот се менува нека се усвои од ЕУ“
Тоа го велат од МАН. Позицијата на ЗНМ, која дел од медиумите коректно ја пренеле, а и самото здружение тоа го соопшти е да се прифатат предлозите на меѓународната заедница испорачани преку нејзиниот претставник во процесот, белгискиот олеснувач.
Но, може ли со вакви текстови да ја реформираме медиумската сфера и да ги вратиме стандардите во професијата? Невозможно!
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
не информира
некреативен
несензационален
несоодветен
нејасен
ФОТОГРАФИЈА
има
соодветна
делумно, зашто е фотографија од само членовите на едната асоцијација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови