Гајба, пиво и „чанче муабет“
Објавено во Рецензии
on 7 - 04 - 2016 Автор: Зоран Бојаровски[Рецензија: Заев наводно подготвен за избори а преку институциите прави опструкции]
Како прво, не се знае дали е ова анализа, извештај, коментар, мислење… Многу повеќе личи на вторите наведени жанрови.
Линк до оригиналниот напис: Заев наводно подготвен за избори а преку институциите прави опструкции
Датум и време на објавување: 05.04.2016, 22:17
Датум на рецензирање: 07.04.2016
Рецензент: Зоран Бојаровски
БРОЈКИ ИСТРЕСЕНИ ОД РАКАВ
Коментарите извираат речиси во секој пасус и се интегрирани во текстот. Всушност, целиот текст е коментар.
Како второ, манипулира со бројки како истресени од ракав, што не е никако дозволиво ако станува збор за сериозен медиум:
„Заев и т.н. здружена опозиција, составена од ситни партии кои заедно не тежат ниту 1000 гласа на македонската политичка сцена денеска излегоа со став дека се подготвени за избори.“
Наспроти ова, официјалните извори тврдат дека „помалите“ партнери во коалицијата на СДСМ освоиле седум пратенички места, што секако не се добива со само 1.000 гласа. Ова само колку да ја илустрираме несиозноста кога се изнесуваат вакви податоци во текст кој треба да биде професионално новинарски, а не чанче муабет.
Како трето: Се цитира изјавата на Заев дека опозицијата е подготвена за избори, а во исто време се накалемува теза дека опструираат.
И четврто: Што била опструкцијата? Незавршени активности во СВР Куманово и Струмица?!?
И на крајот, регистрираме уште една крајно непрофесионална и понижувачка постапка на овој текст. Замислете, не го знаат презимето на генералниот секретар на Државната изборна комисија (ДИК). Еве како изгледа една реченицата како производ на една таква непрофесионалност:
„Слична беше и ситуацијата со Генералниот секретар на ДИК Добре , кадар на СДСМ, кој цел месец не сакаше да провери 5.000 записи иако за тоа зема плата од граѓаните.“
Како да е Добре лик од „чанче муабет“ пред кооперација на гајби со пиво и посебна салама. Со вегета.
Инаку, генералниот секретар на ДИК се вика Добре Јанчев.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови