verifikimiifakteve.mksitemap
verifikimiifakteve.mksitemap

Фотографијата може да информира, но и да биде само мамка за манипулација

on 11 - 02 - 2020       

Иако во јавноста е широко познато дека „фотографијата зборува колку илјада зборови“, во медиумите има случаи да не важи ова и наместо правилно да информира, ја дезинформира јавноста. Таков е написот што ќе го разгледаме

Zyrtare: Aleanca për shqiptarët forcohet në Shkup, ja kush i bashkohet? (FOTO)

Официјално: Алијансата за Албанците се зајакнува во Скопје, еве кој и се приклучува? (ФОТО)

Линк до оригиналниот напис: „Алијансата за Албанците зајакнува во Скопје, еве кој и се приклучува“  “Aleanca për shqiptarët forcohet në Shkup, ja kush i bashkohet? (FOTO)

Датум на објавување: 31.12.2019

Датум на рецензија: 03.01.2019

Рецензира: Фатбарда Цури

 „Башким Бакиу се приклучил на Алијансата“

Почнувајќи од информацијата дадена во насловот, медиумот се обидел во јавноста да остави впечаток дека поранешниот кандидат на Движењето БЕСА за градоначалник на Сарај, Башким Бакиу се приклучил на друга партија, Алијанса за Албанците. Овој напор на медиумот се гледа и во заклучокот даден во насловот:

„Алијансата за Албанците зајакнува во Скопје, еве кој и се приклучува? (ФОТО)”.

Но кога се отвора текстот за читање, информацијата од насловот почнува да бледнее. Ова се забележува со употребата на зборот „се чини“, што се користи во ситуации кога претпоставуваме за некоја ситуација.

“Алијансата за Албанците се чини дека ги вклучи моторите за предвремените парламентарни избори на 12-ти април”, се вели во текстот

Од „се чини“, медиумот се потрудил целосно да ја избледнее наведувачката иинформација во насловот, па се оди со друга кулминирачка формулација „не се знае“.

“Не се знае дали Бакиу преминал во партијата на Села или имаше само пријателска средба со Таравари ”, се вели во написот што го разгледуваме.

Медиумот воопшто не се обидел да ја провери информацијата, бидејќи не открива дали побарал некој став од наведените во статијата. Со оглед на ова, цениме дека наместо да информира, медиумот шпекулира. Со ова медиумот го прекршил основното начело на Кодексот на етика на новинарите.

„Новинарот има право на слободен пристап до сите извори на информации што се од јавен интерес. Новинарот мора да објави точни и докажани информации и нема да ги скрие основните податоци и да ги фалсификува документите. Ако информацијата не може да се потврди, или ако станува збор за претпоставка или шпекулација, тоа треба да се каже и објави. Точноста на информацијата треба да се докаже колку што е можно повеќе“, се вели во Етичкиот кодекс на новинарите.

Фотографијата – мамка за манипулирање на јавноста

Медиумот ја манипулира јавноста искривувајќи ги фактите – во случајов фотографијата – затоа што иако во написот се вели дека „средбата била пријателска“, преку фотографијата се прави обид да се заклучи дека  „Бакиу преминал во Алијансата“ . Тука е искористен концептот на манипулација „повикување на можност“. Преку фотографијата, медиумот покажува тенденција да ја убеди јавноста дека ако Бакиу седнал заедно со Таравари, тој преминал во Алијансата. И после ваквата можност, направил се да се огради од евентуална грешка во тврдењето.

Овој напис е преземен од проектот “Со критичко мислење до граѓани со медиумска умешност – КриТинк“, кој е спроведуван од Фондацијата „Метаморфозис“ и ЕВРОТИНК. Проектот е финансиран од Европската Унија. Ставовите и мислењата изнесени во овој напис не секогаш ги одразуваат оние на ЕУ. Написите од „Критинк“ се слободни за преземање со наведување на изворот и без измени и кратења.

ИНФОГРАФИК

infoVistinitostВИСТИНИТОСТ

infoVistinitostИЗВОРИ НА ИНФОРМАЦИИ

infoVistinitostСЕОПФАТНОСТ

infoVistinitostПРИСТРАСНОСТ

infoVistinitostКОМЕНТИРАЊЕ

infoVistinitostПЛАГИЈАТ

infoVistinitostКВАЛИТЕТ НА НАСЛОВОТ

infoVistinitostФОТОГРАФИЈА

infoVistinitostГОВОР НА ОМРАЗА

infoVistinitostУРЕДЕН ЗА ВЕБ

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести