verifikimiifakteve.mksitemap
verifikimiifakteve.mksitemap

Фото-коментар наместо фото-вест

on 20 - 09 - 2016       
Овој напис го има и на: Албански

fireshot-capture-38-foto-nachalnik-na-policija-so-naredbi_-http___centarnews-net_hq_mk_index

 

Текстот повеќе наликува на чаршиски муабети, отколку на сериозен новинарски произвoд. Во него се изнесени одредени информации, базирани врз фотографиии, но не се проверени, а наместо проверка, тие се коментираат и се прави обид да се направи спин.

foto-nachalnik-na-policija-so-naredbi-od-vmro-dpmneЛинк до оригиналниот напис: (ФОТО) НАЧАЛНИК НА ПОЛИЦИЈА СО НАРЕДБИ ОД ВМРО-ДПМНЕ

Датум и време на објавување: 16.09. 2016

Датум на рецензирање: 19. 09. 2016

Рецензент: Димитар Тануров

Самиот наслов е своевидна најава за тоа каков текст може да се очекува. Изнесеното тврдење не е лоцирано, односно не се наведува кој го тврди тоа, поради што се добива впечаток дека тоа е заклучок на авторот, односно медиумот.

„Познат началник на полиција кој бил поставен по партискиот клуч на ВМРО-ДПМНЕ денеска беше забележан како влегува во партиското седиште на ВМРО-ДПМНЕ“.

Текстот се темели на неколку фотографии, на кои се гледа униформирано лице пред штабот на ВМРО-ДПМНЕ, како држи в рака некои документи. Во главата на веста се наведува дека станува збор за познат началник на полиција, кој бил ставен по партиска линија, но не се идентификува началникот.

Во следниот пасус се дава класичнен коментар за владејачката партија, со кој се прави обид да се направи спин. Потоа во прво лице, како авторот да е лично присутен, се наведува дека „началникот“ бил забележан како влегува во партијата со празни раце, а кога излегол со себе носел некакви „документи“.

Сепак, подолу во текстот се наведува дека авторот лично не бил присутен на настанот, туку дека фотографиите се добиени „од граѓани“ и сите понатамошни тврдења се, всушност, изјави на очевидци, кои не се идентификувани ниту, пак, е наведено дека побарале да останат анонимни.

Ваквиот начин на информирање е спротивен на новинарските стандарди, пред сè затоа што „познатиот началник“ не е идентификуван, а доколку му е познат на авторот, тогаш треба да се побара објаснување од него во која функција го посетил штабот, која била целта на посетата и доколку станува збор за посета како приватно лице, зошто бил во униформа. Без овие елементи, информацијата наликува на озборувачки соседски муабет, а не на новинарски производ.

Насловот е сугерирачки и манипулативан, бидејќи не е поткрепен со ниту еден доказ. Самите фотографии врз кои се потпира овој микс од фото-вест и од коментар, не се доволно јасни ниту, пак, оддават посериозна информација, освен дека униформирано лице влегло и излегло од штабот на партијата.

При пишување на информација, новинарот мора да ги следи професионалните новинарски стандарди, да ги почитува новинарските жанрови, кои имаат јасна дефиниција, што е вест, што е коментар и кои елементи треба да ги поседува, но и да се почитува Кодексот на новинари. Во случајов прекршени се неколку члена од Кодексот:

 Член 1.

Новинарот треба да објавува точни, проверени информации и нема да прикрива суштински податоци и да фалсификува документи. Доколку информацијата не може да се потврди или станува збор за претпоставка, односно шпекулација, тоа треба да се каже и да се објави. Точноста на информацијата треба да се провери колку што е тоа можно. 

Член 4. 

Новинарот ќе го назначи изворот на информациите, но ако изворот бара да остане анонимен, новинарот ќе го заштити.

Член 13

Новинарот треба да прави разлика меѓу фактите и мислењата, меѓу веста и коментарот.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

не може да се утврди точноста на наводите

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

неофицијални, анонимни

нерелевантни

1 извор

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

не може да се утврди

извртување на вистина (спин)

не може да се утврди

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

оригинално дело

ненаведен автор, ненаведен извор

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

Не може да се утврди

ненаведен автор(извор)

infoVistinitostГОВОР НА ОМРАЗА

навредлив говор

нема говор на омраза

не потикнува на насилство

политичка дискриминација

infoVistinitostУРЕДЕН ЗА ВЕБ

читлив

не апликативно

има контекстуални линкови

стилски уреден

поврзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести