Фискална сметка наместо новинарски текст
Објавено во Рецензии
on 12 - 12 - 2015 Автор: Зоран Бојаровски
[Рецензија: Пленумот троши илјадници евра за лажна грижа за студентите]
Што е оваа медиумска содржина? Вест? Извештај? Освен првите две почетни реченици, кои известуваат дека се одржува настан организиран од „Студентски пленум“, целиот понатамошен текст е некаков попис на активности и произволни ставки за трошоци кои на крајот завршуваат со вкупна сума како за „каса прими“?!
Од кога во новинарството е воведен жанр – фискална сметка?
Се разбира, се шегуваме. Но, како поинаку да му се пријде на овој текст за да се оценат неговите професионални стандарди. Самиот текст, пристапот од кој е појдено да се пишува, налагаат подбишега…
Но, ајде да го изанализираме сериозно, достојно на овој проект и соодветно на методологијата за проверка на фактите од медиумите.
Линк до оригиналниот напис: Пленумот троши илјадници евра за лажна грижа за студентите
Датум и време на објавување: 10.12.2015, 18:31
Датум на рецензирање: 11.12.2015
Рецензент: Зоран Бојаровски
Еве, да тргнеме од вистинитоста која треба да ја определат фактите, точноста и веродостојноста на наводите.
Освен првите две реченици, во кои се констатира организацијата на настанот (кој и кога), целиот понатамошен текст е серија од импровизирани факти за „трошковникот“ за организирање на овој настан. Интресни цени од ракав, кои никому ништо не му значат така објавени.
Дури има и очигледно неточни информации дека Институтот отворено општество сè уште го раководи Владимир Милчин.
Следствено на методологијата, фактите во овој текст треба да бидат поткрепени од извори. Во оваа медиумска содржина нема ниту една изјава од ниту еден извор. Ниту од „Студентски пленум“ како организатор на настанот, ниту од МОФ како поддржувач, ниту, пак, од некој извор што ќе ги потврди цените од импровизираниот трошковник, фискална сметка…
Од аспектот на содржајност, според методологијата која гарантира објективна рецензија, треба да се оценат сеопфатноста и прикривањето информации. Според тоа, овој текст не е сеопфатен бидејќи ја немаме втората страна, односно тој е едностран. Прикривање информации, следствено на претходното – има, зашто ние знаеме колку навистина чини оваа манифестација. Ако тоа е воопшто битно.
Методологијата вели да ја испитаме пристрасноста и тоа воопшто не е тешко, ниту скриено. Овој текст е политички пристрасен.
Целиот текст е, всушност, еден коментар. Тоа е во спротивност и со методологијата и со професионалните стандарди утврдени и со домашниот Кодекс на новинарите, како и со сите меѓународни етички принципи на новинарството.
Сметаме дека дотука е доволно да навлегуваме во оваа анализа. Конечно, станува збор за текст со намера. Намера за да се оцрни настан, кој го организираат студенти кои нашле средства за организацијата и за нив им се одговорни на донаторот, кој, бездруго, проценил дека оваа манифестација е од интерес на студентската популација.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
политичка дискриминација
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
поврзан со тагови