Евтина шпекулативна приказна
Објавено во Рецензии
on 5 - 10 - 2016 Автор: Димитар Тануров[Рецензија: Дали Солза и двете нејзини алапачи ќе станат пратенички на Ивон од ЛП?]
Текстот е шпекулативен, без никаква поткрепа на изнесените податоци, а истовремено коментира и навредува. Објавата има навредлива интонација и е правена со идеја да ги оцрни споменатите пратенички.
Линк до оригиналниот напис: Дали Солза и двете нејзини алапачи ќе станат пратенички на Ивон од ЛП?
Датум и време на објавување: 01.10. 2016
Датум на рецензирање: 03.12.2015
Рецензент: Димитар Тануров
ШПЕКУЛАЦИЈА
„Дознаваме дека Солза Грчева изминатава недела скоро секој ден седела со Ивон Величковски од Либерална во еден познат скопски кафич, да не случајно таа и нејзините две колешки Роза и Буралиева пред крај сменат статус од слободни пратенички во компликејдед врска со Ивон, он млaдо пиле, а тие стари коки, а?“
Написот, според категоријата во која е објавен, би требало да спаѓа во новинарскиот жанр „вест“, но според својата структура, не би можело да се стави во ниту еден жанр, па вклучително ни во „флеш вест“, која е кратка првична информација што подоцна најчесто се разработува во подолга вест.
Изворот на информацијата никаде не е наведен, односно не е лоциран. Дури и во случаи кога изворот сака да биде анонимен, се лоцира од каде се изворите, на пример, со „дознаваме од извори блиски до независните пратенички“, „од Либералната партија“…
Наводната електронска порака, пак, на која се повикува написот, треба да биде прикажана со принтскрин и со прикривање на испраќачот доколку тоа изворот го бара. Вака објавена, повеќе наликува на измислена порака.
НЕДОЛИЧЕН ГОВОР
Исто така, проблематично е и тоа што во написот не е прикажана втората страна на приказната. Пласираната (дез)информација не е проверена ниту во Либералната партија, ниту кај независните пратенички. Тоа што, наводно, биле видени на кафе, по автоматизам не значи и дека се договара некаква коалиција, соработка или слично. Можеби навистина се договарале, но можеби и не е така, затоа треба да се проверат добиените сознанија.
Речникот што се употребува во текстот е навредлив. Жаргонскиот говор е дозволен во полесните новинарски категории, како „Забава“, особено во озборувачките (трач) вести, но и во тие случаи не се дозволува етикетирање или навредување, како што тоа се прави во написот што го рецензираме, каде се користат термините „алапачи“ и „стари коки“.
Еден коректно сработен новинарски производ мора да ги почитува начелата на Кодексот на новинарите, кој е дециден дека новинарот мора да го наведе изворот, да ја провери информацијата, да прави разлика меѓу фактите и мислењата, меѓу веста и коментарот и да ја негува културата на говорот и етиката.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
нема
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
полова дискриминација
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски неуреден
неповрзан со тагови