Етикетирање и спинување
Објавено во Рецензии
on 25 - 05 - 2016 Автор: Димитар Тануров
[Рецензија: Активистите на СОРОС со ЗАКАНИ кон хендикепираните!]
Текстот е едностран, коментаторски и не се темели на факти. Изнесените информации, всушност, се произволни и непроверени заклучоци. Ваквото генерализирање се коси со новинарските стандарди за објективно информирање.
Линк до оригиналниот напис: Активистите на СОРОС со ЗАКАНИ кон хендикепираните!
Датум и време на објавување: 7.12. 2015,15:26
Датум на рецензирање: 08.12.2015
Рецензент: Димитар Тануров
„ФЕЈСБУК“ – ЕДИНСТВЕН ИЗВОР
„Активистката за права на хендикепираните лица Бранкица Димитровска на својот профил на Фејсбук се соочува со закани и вулгарности од страна на активистите на СОРОС и на Канвас“.
Изнесените тврдења во написот се непроверени и се темелат на објави на социјалните медиуми. Пред сè, станува збор за едно лице, кое во приватна порака ѝ се заканува и ја навредува активистката, поради што не може да се врши генерализација и да се користи множинска форма. На профилот на лицето кое се заканува, нема податоци, ниту за возраст, ниту каде работи, а нема ни јавно објавени слики од личноста. Поради тоа не може да се утврди дали станува за вистински или лажен профил на социјалната мрежа „Фејсбук“.
Немајќи никакви податоци за лицето кое стои зад профилот, не може да се тврди дека тоа е активист на Сорос или на Канвас. Единствената причина која се наведуваат овие податоци е за да се оцрнат двете споменати организации, кои во медиумите наклонети на владејачката партија во континуитет ги обвинуваат за „заговорничко сценарио“ за уривање на власта.
Ваквиот начин на информирање е спротивен на Кодексот на новинари, кој налага објавување точни и проверени информации.
Член 1
Новинарот треба да објавува точни, проверени информации и нема да прикрива суштински податоци и да фалсификува документи. Доколку информацијата не може да се потврди или станува збор за претпоставка, односно шпекулација, тоа треба да се каже и да се објави.
Член 14
Новинарот мора да обезбеди професионална дистанца од политичките субјекти.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
има контекстуални линкови
делумно стилски уреден
неповрзан со тагови