Енергетските пијалаци не даваат „крилја“ во новинарството
Објавено во Рецензии
on 24 - 02 - 2017 Автор: Fatlume Dervishi
Напис: (ВИДЕО) ДОЛГА НОЌ ВО СДСМ, ПРЕТСЕДАТЕЛОТ ЗОРАН ЗАЕВ ДРЖИ КОНДИЦИЈА СО „РЕД БУЛ“ И СО КАФЕ
Долгите преговори за формирање на владата изгледа го исцрпуваат претседателот на СДСМ, Зоран Заев.
Во неговиот службен автомобил доминираат енергични пијалаци и кафе.
Од вчерашниот ден, средбите во партијата се интензивирале, по првата формална средба меѓу ДУИ и СДСМ.
Во наредните денови, се очекува конечно да добиеме одговор дали СДСМ ќе формира влада или не.
[Рецензија: „(ВИДЕО) ДОЛГА НОЌ ВО СДСМ, ПРЕТСЕДАТЕЛОТ ЗОРАН ЗАЕВ ДРЖИ КОНДИЦИЈА СО „РЕД БУЛ“ И СО КАФЕ“]
Јавниот интерес нема врска со начинот на исхрана на функционерите. Резултатите од нивната работа и делата во рамките на нивната функција се нештата што ја интересираат јавноста, а не храната и пијалаците што тие ги консумираат за да „бидат во форма“. Ова не се факти што нè водат до некој важен заклучок, барем не во конкретниот случај. И новинарството има граници, во чија внатрешност сè се образложува, а надвор од нив – се казнува.
Линк до оригиналниот напис: „(ВИДЕО) ДОЛГА НОЌ ВО СДСМ, ПРЕТСЕДАТЕЛОТ ЗОРАН ЗАЕВ ДРЖИ КОНДИЦИЈА СО „РЕД БУЛ“ И СО КАФЕ“
Датум и време на објавување: 07.02.2017, 02:40
Датум на рецензирање: 17.02.2017
Рецензент: Фатлуме Дервиши
Насловот „Долга ноќ во СДСМ, претседателот Зоран Заев држи кондиција со „ред бул“ и со кафе“ може да изгледа привлечен за читателите за да видат како новинарот го третирал ова, како го открил, како се претставува Заев како обичен човек, итн.
Ова е популистички и лесно разбирлив јазик. Меѓутоа, од аспект на јавниот интерес, ова, всушност, не е воопшто важно, бидејќи не е реален показател (како што е претставено) за долгата работна ноќ на Заев и за субјектот што тој го води, не е показател дека енергетските пијалаци (во текстот погрешно е напишано „енергични“) и кафето се синоним за некоја неуморна работа во служба на државата. Во новинарството, „ред бул“ не покажува сила и не дава крилја.
„Долгите преговори за формирање на владата изгледа го исцрпуваат претседателот на СДСМ, Зоран Заев.
Во неговиот службен автомобил доминираат енергични пијалоци и кафе.“
Прирачник за етика во новинарството:
Информации за приватниот живот на некоја личност може да се објавуваат само доколку однесување во приватниот живот на таа личност има влијание врз јавниот интерес. Во овие случаи треба да се провери дали објавувањето на информацијата би можело да претставува ризик за некое трето лице.
Написот е придружуван со видеозапис, кој покажува снимки од внатрешноста на автомобилот на претседателот на СДСМ. Иако зборува за една долга ноќ, од записот се гледа дека снимките се направени преку ден. Снимениот автомобил е приватен, не е службен. Приватноста, колку што е важна за обичните луѓе, толку е и за функционерите.
И повторно од Прирачникот за етика во новинарството:
Јавноста има право да знае за работата на институциите и на луѓето кои се избрани за да му служат на јавниот интерес, но исто така, луѓето имаат право на приватност…
Можеби во овој текст биле објавени овие податоци во неможност да се обезбеди некоја поважна информација за формирање на владата на земјава. Меѓутоа, и во такви случаи, професионалните начела на новинарството важат и треба да се почитуваат.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
релевантни
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
не може да се утврди
наклонетост
комерцијална пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
соодветен
јасен
ФОТОГРАФИЈА
има
Видео
информира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
има контекстуални линкови
делумно стилски уреден
поврзан со тагови