Едностраната информација ја убива вистината
Објавено во Рецензии
on 21 - 06 - 2016 Автор: Ана Анастасовска
[Рецензија: Одложени преговорите поради намерата на СДСМ да воведе цензура во медиумите]
Текстот што е предмет на оваа рецензија е спинерски и манипулативен и користејќи го правото на анонимни извори, изнесува шпекулативни информации, претставувајќи ги како факти. Притоа, ваквите информации не се проверени, односно за нив нема потврда од ниту една страна.
Линк на оригиналниот напис: Одложени преговорите поради намерата на СДСМ да воведе цензура во медиумите
Датум и време на објавување: 16.06.2016
Датум на рецензирање: 21.06.2016
Рецензент: Ана Анастасовска
ШПЕКУЛАЦИИ ПЛАСИРАНИ КАКО ФАКТИ
Написот, кој е преземен од друг медиум ( тоа е коректно наведено, но не е ставен линкот), информира за она што се случувало на преговорите меѓу партиите, односно за што се дискутирало. Во него се користат анонимни извори преку кои се создава слика дека СДСМ сакала да цензурира медиуми, иако потврда за такво нешто нема од партијата.
„Експлицитното барање на ВМРО ДПМНЕ да нема цензура за медиумите, според извори на Пресс 24 од преговорите била главната пречка заради која порано заврши денешната партиска средба. Како што дознава порталот од страна на ВМРО ДПМНЕ биле побарани цврсти гаранции во форма на одредба дека ниту новинар, ниту медиум не може и не смее да биде казнет за искажан став или мислење, нешто што е предвидено и во Кодексот на новинарите на Македонија“.
Според изнесеното во текстот, ова била главната сопка во преговорите меѓу ВМРО-ДПМНЕ и СДСМ. Социјалдемократите, наводно, го отфрлиле ваквото барање на владејачката партија и барале да има казни за медиумите.
„СДСМ одбиле да дадат поддршка на ваквиот одлучен став на ВМРО ДПМНЕ со што повеќе од јасни станале нивните намери за наводните реформи во медиумската сфера кои што ги предлагаат“.
Ова се класични шпекулации, што не е нагласено во текстот, туку се пласирани како факти. За ваквите информации не е побаран официјален став од засегнатата страна, во случајов од СДСМ. Со ова е прекршен Кодексот на новинарите кој јасно пропишува:
Очигледна е намерата на овој напис: да се користат анонимни извори за да се шират спинови. Имено, дури и доколку било невозможно да се добие втората страна, ставовите на СДСМ во однос на медиумите, како и ставовите на ВМРО-ДПМНЕ досега биле објавувани и можеле да бидат пренесени. На тој начин, читателите ќе имале можност сами да создадат слика за тоа кој какви ставови има по прашањето за медиумите и кој бара или не бара воведување цензура.
Вака, написот наместо да информира, тој убедува и манипулира, што е спротивно на новинарските стандарди.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
целосна копија
наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
има контекстуални линкови
стилски уреден
поврзан со тагови