Двојни аршини – нечија приватност повеќе боли!
Објавено во Рецензии
on 7 - 03 - 2016 Автор: Љубомир Костовски
[Рецензија: Нема прогон за објавените снимки на Латас и Иванов]
Дали тие што бараат прогон за објавени аудиоснимки за разговор кој, наводно, е приватен, направен меѓу нивни колеги, знаат дека првиот адвокат на Комората веќе успеа да издејствува судовите однапред да се произнесат дека нема да ги толкуваат како докази? И дека еден цел систем (обвинителство, судови, медиуми) цела година беше завртен кон обезвреднување на „сечените, лепените и монтираните“ телефонски разговори. Тие аудиоснимки, сега, можеби за обвинителите, кои и да се, можат да имаат третман на т.н. чуен глас, ама можат да бидат само индиција за потоа тие едноставно да „се окозат“ за да докажат дека снименото воопшто се случило и да имаат некакви докази од друг тип за да бараат правда.
Линк до оригиналниот напис: Нема прогон за објавените снимки на Латас и Иванова
Датум и време на објавување: 04.03.2016 18:06
Датум на рецензирање: 07.03.2016
Рецензент: Љубомир Костовски
ЧЕКАЊЕ ДОЛГО ДЕСЕТ ДЕНА
“Ни десет дена откако се појавија снимките од приватни разговори од главниот уредник на Сител Драган Павловиќ Латас и сопственикот на овој медиум Горан Иванов, ниту Министерството за внатрешни работи со кое раководи генералниот секретар на СДСМ Оливер Спасовски, ниту специјалната обвинителка Катица Јанева, надлежна за прислушкувањето не даваат информација дали повеле постапка за овој случај.“
Овој доста опширен текст кој се возбудува од фактот дека е прислушуван разговор меѓу две „големи ѕверки“ во медиумите, со ниту еден збор не кажува дека низ т.н. „бомби“ се покажа дека се прислушувани огромен број други нивни колеги во текот на најмалку шест години. На дел од тие новинари (20-30) јавно им беа делени снимени разговори и извлечени стенограми. И нивните права беа загрозени, како личности и семејни луѓе, а пред сè како луѓе со професионални обврски!
Основен проблем на овој прилог е во тоа како да пишувате за феноменот на прислушувањето, а да не ги споменувате многуте важни настани, имиња и институции како што се – Петта управа на МВР, УБК, Сашо Мијалков, како раководител на службата што прислушувала, Гордана Јанкуловска како министерка која се согласувала со оваа практика најмалку шест години (меѓу 2009 и 2015 година), обвинителот Зврлевски кој ги имаше снимените разговори, а не поведе постапка толку време… Сето тоа го немате како најзначаен дел од феноменот, небаре снимките паднале „од Марс“!
Просто, имаме комплетна пресвртена ситуација: им се делат обврски на истрага на новите луѓе во оваа сфера, а не се укоруваат тие што го правеле тоа? Згора, се прави селекција: чија снимка е поважна, без да се види редицата од 20.000 прислушувани лица.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
има евидентирани извори
официјални, неофицијални
релевантни, нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски уреден
неповрзан со тагови