Јасен пример за дискриминаторски наслов
Објавено во Рецензии
on 28 - 09 - 2015 Автор: Ана Анастасовска
[Рецензија: Колку ќе трае луксузот во новото средно училиште во Шутка?]
Овој текст нема проблем со начинот на кој е напишан, туку со пораката што ја испраќа преку прашањето што го поставува авторот. Имено, насловот на овој напис поттикнува дискриминација кон Ромите.
Линкуван наслов на анализираниот напис: Колку ќе трае луксузот во новото средно училиште во Шутка?
Датум и време на објавување: 17.09.2015
Датум на рецензирање: 24.09.2015
Рецензент: Ана Анастасовска
Авторот на овој текст во насловот и на почетокот од текстот наведува дека во Шуто Оризари е отворено ново, луксузно опремено училиште, но се прашува колку ќе траел таквиот луксуз?
„Општината Шуто Оризари оваа година доби ново средно училиште. Училиштето е навистина луксузно опремено, одлично изгледа, но се прашуваме: „Колку ли ќе трае неговата убавина?““
Од каде потребата за вакво прашање? Очигледно е дека авторот ги дискриминира Ромите, па оттука, и поттикнува дискриминација кон оваа заедница. Во нашето општество постојат стереотипи од типот „валкан си како Ром“, па сигурно ваквиот стереотип е и повод за ваквиот однос на авторот.
Се наметнува прашањето дали, ако во која било друга скопска општина беше изградено вакво ново и луксузно училиште, новинарот ќе го поставеше истото прашање? Секако, не.
Медиумите кај нас многу често произведуваат зборови и претстави што повредуваат. Негативните стереотипи создаваат негативни предрасуди кон одредени поединци поради нивната поинаквост. Во најголем број случаи, дискриминаторското однесување е поттикнато од негативни предрасуди, што е и случајот со овој напис.
На овој начин, новинарот го прекршил и членот 10 од Кодексот на новинарите во кој јасно се наведува дека:
Новинарот нема свесно да создава ниту преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и на дискриминација по која било основа (национална, верска, расна, полова, социјална, јазична, сексуална ориентација, политичка…).
Медиумите и медиумските професионалци мора да сфатат дека ја имаат една од главните улоги во борбата против дискриминацијата и во надминувањето на општествените стереотипи. Токму затоа, новинарите не треба да се служат со форми и со написи од овој тип.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
2 извори
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
Не може да се утврди
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
дискриминира
национална дискриминација
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски уреден
поврзан со тагови