Дезинформирање и создавање паника
Објавено во Рецензии
on 10 - 08 - 2016 Автор: Симона Атанасова[Рецензија: ПРЕКУ 50-ТИНА ЖРТВИ ОД СИНОЌЕШНОТО НЕВРЕМЕ ВО СКОПЈЕ??]
Напис без текст! Со невидена леснотија пласирање непроверени информации, дезинформирање на јавноста, создавање паника и конфузија кај читателите.
Писание конструирано без трошка одговорност, само со принтскрин од нечиј фејсбук- статус, без никаква содржина, објаснување или проверка на податоците кои се споделени во статусот.
Линк до оригиналниот напис: ПРЕКУ 50-ТИНА ЖРТВИ ОД СИНОЌЕШНОТО НЕВРЕМЕ ВО СКОПЈЕ??
Датум и време на објавување: 07.10.2016
Датум на рецензирање: 10.08.2016
Рецензент: Симона Атанасова
СЕНЗАЦИОНАЛИЗАМ ОД ЧОВЕЧКИ ТРАГЕДИИ
Статусот, пак, шпекулира со една многу сензитивна тема – бројот на жртви од поплавата што го зафати Скопскиот Регион пред неколку дена. И наместо да се провери напишаното на „Фејсбук“, написот сензационалистички ја дезинформира јавноста и создава паника меѓу читателите за бројот на загинати, што е далеку од вистинско етичко новинарско известување во случај на несреќи.
На овој начин најгрубо се прекршува членот 8 од Кодексот на новинари.
Начинот на информирање во случаи на несреќи, елементарни непогоди, војни, семејни трагедии, болести, судски постапки мора да биде ослободен од сензационализми.
При изработката на овој напис, кој никако не може да се нарече новинарски продукт, воопшто не е побарана потврда за изнесените бројки од надлежните институции, кои се единствените што имаат официјални податоци. Нема изјава од Министерството за внатрешни работи, Дирекцијата за заштита и спасување ниту, пак, од Итната помош или друга медицинска установа, иако официјална информација од МВР за бројот на загинатите имаше уште рано изутрината на 7 август, по катастрофалната поплава.
Бројот на жртви подоцна се зголемува откако полицијата пронајде уште неколку тела на веќе пријавени исчезнати лица, но бројката и по неколку дена не достигна ни приближно до 50 загинати, како што (дез)информира насловот.
Фејсбук-статуси во ниеден случај не можат да бидат веродостојни за врз нив да се конструира напис кој допира до широката јавност. Таков статус може само да биде почетна точка и дел од низата на изјави што треба да ги содржи еден новинарскиот текст. Статусите на социјални мрежи можат да бидат и измислени, конструирани, па дури и напишани со одредена манипулативна цел.
Затоа новинарот мора секогаш да ги проверува информациите од неколку извори, меѓу кои и официјални институции, пред да објави нешто што влијае на јавното мислење и перцепција.
Ваквиот начин на објавување, освен членот 8, целосно го прекршува и членот 1 од Новинарскиот кодекс.
Новинарот треба да објавува точни, проверени информации и нема да прикрива суштински податоци и да фалсификува документи.
Доколку информацијата не може да се потврди или станува збор за претпоставка, односно шпекулација, тоа треба да се каже и да се објави.
Точноста на информацијата треба да се провери колку што е тоа можно.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
лажни информации
друга пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
нема мултимедијални елементи
нема контекстуални линкови
стилски неуреден
неповрзан со тагови