Да се побарало изјава, не би се напишале невистини!
Објавено во Рецензии
on 7 - 06 - 2016 Автор: Владо Ѓорчев
[Рецензија: Утре СЈО ќе одржи прес за случајот со Мартин Нешковски?]
Информацијата во новинарски текст секогаш мора да биде точна и проверена. Тоа е алфа и омега во новинарството. Основно правило е веста да се провери од два извора, а во случајов тоа не е сторено ниту со еден. А толку лесно можело целиот текст да биде поинаков – тоа би се случило со само еден повик до Специјалното јавно обвинителство (СЈО).
Линк до оригиналниот напис: Утре СЈО ќе одржи прес за случајот со Мартин Нешковски?
Датум и време на објавување: 05.06.2016
Датум на рецензирање: 07.06.2016
Рецензент: Владо Ѓорчев
Зачудува леснотијата со која е направена оваа информација, имајќи предвид дека портпаролката на посочената институција, Ленче Ристовска, постојано е достапна на телефон и е расположена да дава информации кои не навлегуваат во доменот на истрагата.
Како извори на информацијата од насловот во текстот се наведуваат два портала, чии текстови, пак, не се линкувани.
Веднаш мора да се каже дека оваа информација е невистинита – прес-конференција на 6 јуни 2016 година, СЈО не одржа. Тоа што има прашалник во насловот, не е амнестија за мрзеливост при работењето. Авторот на веста морал да побара потврда од СЈО. Со непостапувањето од таков вид, направени се прекршувања на неколку члена или делови од членови од Кодексот на новинари:
Новинарот има право на слободен пристап до сите извори на информирање што се од јавен интерес.Новинарот треба да објавува точни, проверени информации и нема да прикрива суштински податоци и да фалсификува документи.
2. Ако новинарот е спречен да дојде до бараната информација, има право за тоа да ја информира јавноста.
3. Новинарот ќе настојува да биде обезбедено објавување на исправка, деманти и одговор во случај кога ќе биде утврдена неточност на информацијата. (До објавувањето на оваа рецензија, текстот сѐ уште стоеше на порталот и не беше направена никаква исправка).
4. Новинарот ќе го назначи изворот на информациите, но ако изворот бара да остане анонимен, новинарот ќе го заштити.
Бидејќи не е направен обид за проверка на претпоставката од насловот со јавување во СЈО (доколку било тоа сторено, ќе беше наведено во текстот) ниту, пак, е наведено дека имало пречки да се добие потврда, а не е назначено ниту дека информацијата е потврдена од извор што инсистирал да остане анонимен, овој текст крши неколку новинарски норми. Згора на сè, не е направен ниту обид да се направи исправка на информацијата, за која сега знаеме дека била неточна.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
релевантни
2 извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
не аплиактивно
КОМЕНТИРАЊЕ
нема коментаторски елементи
интегрирано со фактите
ПЛАГИЈАТ
делумна копија
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
нема контекстуални линкови
стилски уреден
неповрзан со тагови