Ем стара „вест“, ем „кромид-вест“
Објавено во Рецензии
on 4 - 10 - 2015 Автор: Ана Анастасовска
[Рецензија: СЕВЕРНА КОРЕЈА НАПРАВИ ЧУДО: Првата земја која успешно испрати човек на Сонцето и потоа го врати на Земјата!]
Проблемот со написот кој е предмет на оваа рецензија е тоа што веста која ја пласира е стара повеќе од една година. Но, тоа не е сè. Доколку новинарот се потрудил да пребара малку на интернет, ќе видел и дека не станува збор за вистинит настан.
Линкуван наслов на анализираниот напис: СЕВЕРНА КОРЕЈА НАПРАВИ ЧУДО: Првата земја која успешно испрати човек на Сонцето и потоа го врати на Земјата!
Датум и време на објавување: 26.09.2015
Датум на рецензирање: 30.09.2015
Рецензент: Ана Анастасовска
„Државната агенција на Северна Кореја денес објаве дека токму тие за прв пат во историјата на човештвото го испратиле првиот човек на Сонцето. Како што наведува С.Корејската агенција, астронаутот Хунг Ли Гонг околу 3.00 часот слетал на Сонцето во посебно дизајнирана ракета.“
Кога го внесовме насловот на овој текст на „Гугл“, видовме дека истата вест е објавена пред повеќе од една година и тоа на веб-страницата „Окно“. Значи, не станува збор за нова вест и за ништо ексклузивно. Она што е уште поинтересно е што веста е пара-вест, односно измислена. Но, новинарот во овој случај заборавил да го спомне тоа, или, пак, не забележал дека се работи за т.н. „кромид“.
Доколку авторот на овој напис се потрудил да пребара малку, ќе видел дека на оваа вест пред година и пол наседнале повеќе странски медиуми. Како што објавила веб-страницата thejournal.ie на 25 јануари 2014 година, „медиумите наседнаа на сторијата за северно-корејската ракета на Сонцето“.
Имено, приказната потекнува од ирска сатирична веб-страница.
Основна задача на новинарот е да ги проверува информациите што ги објавува, дали тие се вистинити или не. Авторот на овој текст очигледно не ја проверил информацијата, па, така, на читателите им сервирал стара, па уште и паравест.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
кромид
СЕОПФАТНОСТ
кромид
кромид
ПРИСТРАСНОСТ
неточна
извртување на вистина (спин)
лажни информации
Не може да се утврди
КОМЕНТИРАЊЕ
нема коментаторски елементи
ПЛАГИЈАТ
лажна агенциска вест
ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
кромид
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови