Цело е кога има сѐ
Објавено во Рецензии
on 2 - 06 - 2016 Автор: Владо Ѓорчев
[Рецензија: Иванов – државник со бројни меѓународни признанија и награди]
Кога еден текст има намера библиографски да анализира некого – во овој случај претседателот на државата – тоа мора да биде направено коректно и целосно. Не смее написот да оддава чувство дека не е сработен како што треба или дека има тенденција нешто да прикрие. А кога ќе се прочита овој текст, се создава силен впечаток на нецелосност, имајќи ги предвид, на пример, гафовите на првиот човек на државата, Ѓорге Иванов, кои изминативе денови ја анимираа јавноста, а во овој текст не нашле место. Но, отсуствуваат и други факти.
Линк до оригиналниот напис: Иванов – државник со бројни меѓународни признанија и награди
Датум и време на објавување: 31.05.2016, 13:18
Датум и време на рецензирање: 02.06.2016
Рецензент: Владо Ѓорчев
Да, сите тие награди библиографски споменати во написот, претседателот Иванов ги добил, секако, според неговите заслуги во науката. Тоа воопшто не е спорно, ниту е цел на денешнава рецензија. Она што текстот го прави несодржаен, а следствено на тоа и необјективен, е неискреноста во пренесувањето на фактите за претседателот.
Исто така, кога за некого се пишува нешто, особено за неговите успеси, мора да постои добра причина, а во случајот изгледа дека идејата била само да се „пере“ Иванов од бранот критики.
„Наспроти срамните обвинувања кои опозицијата и СОРОС секојдневно ги упатуваат на сметка на претседателот Иванов, фактите го говорат токму спротивното“.
Сепак, за да биде коректен написот докрај, мора да се каже зошто овие „соросоиди“ го напаѓаат претседателот. Вака има последица, ама никаде ја нема причината зошто морало да се објави текст што ќе ги величи неоспорените признанија на Иванов.
Написот мора да биде искрен кон читателот и да каже дека како претседател на државата, Иванов и не се прославил многу. Најмногу поради последните случувања, кои во еден голем дел се предизвикани и од неговите неумесни потези.
ОТСУСТВУВААТ АБОЛИЦИЈАТА И ПИШМАНЕЊЕТО
Таков момент, на пример, е одлуката за аболиција на 56 лица, со оправдување дека со тоа ќе помогне во надминување на политичката криза. Но, наместо решение, Иванов предизвика бурни реакции и во домашната јавност, а и кај меѓународниот фактор. Оваа одлука ја осудија десетиците странци кои поминаа низ Македонија, а поради тоа сѐ уште, веќе два месеци, траат протестите на „Шарената револуција“, со кои се бара целосно повлекување на одлуката за аболиција и оставка на Иванов. Тој по силните притисоци ја повлече одлуката за 22 лица, кои се политички експонирани, но тоа не ги намали очекувањата и од странската и од домашната јавност да ја повлече целосно својата првична одлука.
Како и да е, еден содржаен и целосно професионален текст би ги имал и овие приказни во него. Затоа што, како што вели и еден рекламен слоган, „Цело е кога има сè“.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, наведен извор со линк
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
има контекстуални линкови
стилски уреден
поврзан со тагови