Рецензии

Рецензија: Пештерски слики стари 5.000 години откриени во Мексико

на 28. 05. 2013 | |
Нема ништо проблематично во однос на текстот на објавената информација. Причината за реакција е фотографијата што е употребена за илустрација на текстот. Бидејќи станува збор за текст објавен на CNN, ќе беше добро ако беше употребена соодветна фотографија, какви што го следат текстот објавен на нивниот сајт. Во овој случај преведени се само неколку параграфи од изворниот текст, објавен на CNN, а употребена е фотографија на која е прикажан цртеж од пештерата Ласко во Франција.

Рецензија: Реакција на Министерството за финансии на извештајот на Standard&Poor’s

на 28. 05. 2013 | |
Државната агенција МИА крши еден од основните постулати во новинарството, а тоа е правилото да се слушнат двете страни. Таа објавува реакција на Министерството за финансии, но без каде било да го објави извештајот на Standard & Poor’s на кој Министерството реагира. Ова се прави и покрај фактот што овој извештај го има на сајтот на агенцијата за кредитен рејтинг и со неколку кликови тој многу лесно можел да се најде и да се објави.

Рецензија: Дали децата во градинките јадат соодветна храна на возраста?

на 27. 05. 2013 | |
Написот преку само еден пример ја генерализира состојбата во сите 55 градинки (податок од Министерството за труд и социјална политика), распоредени во 40-тина општини низ државата. Со тоа ем го пали алармот за паника кај родителите и ги доведува во заблуда за квалитетот на исхраната на нивните деца, ем не дава одговор на прашањето од насловот.

Рецензија: Педофил стрелан во Скопје во 1987 година!

на 27. 05. 2013 | |
Владејачката политика, во рамки на нејзината борба против педофилијата, донесе одлука за јавно објавување на имињата на лицата кои се казнети како сторители на ова кривично дело. Наспроти отпорот на дел од граѓанските активисти, овој став се спроведе во практиката. Но, неодамна Уставниот суд одлучи, со мнозинство гласови, да отвори постапка за преиспитување на ваквата одлука на властите.

Рецензија: Зошто продолжува да се крие веста за апсењето на синот на Вељановски од македонските медиуми?!

на 24. 05. 2013 | | sq
Оваа вест буди интерес зашто во Грција е уапсен синот на претседателот на Македонскиот Парламент, Трајко Вељановски. Според оваа вест, тој е уапсен за поседување на наркотични средства и едно ладно оружје. Фокусирањето на ова вест на, како што се вели, криењето што се случило од македонските медиуми, ја прави интересна за анализа. Оваа вест изгледа како спин, бидејќи претпоставува дека информациите биле прикривани. Линк до оригиналниот напис: Зошто продолжува да се крие веста за апсењето на синот на Вељановски од македонските медиуми?! Датум и време на објавување: 21.05.2013, 13:29 Датум на рецензирање: 22.05.2013 Рецензент: Бардил Заими Вистинитост: Во написот не е не е прецизирано од кој медиум се преземени информациите, туку само се парафразира извештајот за којшто не се

Рецензија: Жерновски и Шиповиќ ќе набавуваат нови возила за Центар

на 22. 05. 2013 | |
. „Жерновски ги засука ракавите и се фати за работа. Градоначалникот на Центар реши прв проект на општината да биде тендер за набавка на нови возила. Извори за Сител од Центар велат, дека Жерновски не бил задоволен од возниот парк па решил час поскоро, својот прв потпис да го стави за набавка на нови службени возила. Покрај Жерновски, во ново возило ќе седне и претседателот на советот Мирослав Шиповиќ. Какви возила ќе бидат купени, сеуште не се знае.“ Ова е кусата, но ударна вест на ТВ Сител, со која се продолжува негативната кампања против новиот градоначалник на Центар Жерновски и претседателот на Советот на Центар – Шиповиќ. Целта на веста е создавање негативна слика околу градоначалникот кој најави беспоштедна борба

Рецензија: Повредени полицајци при приведување затвореник пуштен на викенд

на 20. 05. 2013 | |
Иако на улиците на Топаана токму за време на традиционалниот ромски празник Ѓурѓовден владееше вистинска војна, а улиците во еден дел на градот беа блокирани за низ нив да нема сообраќај, медиумот го пренесува само соопштението на полицијата. Соопштението го минимизира настанот, а не споменува дека постоела т.н. прекумерна примена на сила.