Брзината не е оправдување за неточност
Објавено во Рецензии
on 7 - 12 - 2015 Автор: Зоран Бојаровски[Рецензија: Обвинителката за „Ровер“ се повлече, откако Бошковски покажа материјали за негово местење]
Има конечност, дефинитивен заклучок во првата реченица во веста на денот на 4 декември од најновото рочиште на предметот „Ровер“, во кој првообвинет е поранешниот министер за внатрешни работи, Љубе Бошкоски:
„Обвинителката Лидија Раичевиќ- Вучкова во случајот „Ровер“ против поранешниот министер за внатрешни работи Љубе Бошковски, соопшти дека се повлекува од овој случај“
Од вака срочената реченица недвосмислено произлегува дека обвинителката се повлекла од случајот, а таквиот „исход“ најави пресврт во овој случај и сосема поинакви придвижувања во политичкиот амбиент во земјата.
Но, дали е навистина така?
Линк до оригиналниот напис: Обвинителката за „Ровер“ се повлече, откако Бошковски покажа материјали за негово местење
Датум и време на објавување: 04.12.2015, 11:18
Датум на рецензирање: 07.12.2015
Рецензент: Зоран Бојаровски
БИТНИ СЕ НИЈАНСИТЕ
Она што следуваше потоа, а што произлезе од повеќе други медиуми кои известуваат од овој настан, е дека обвинителката не се повлекла, туку, поттикната од новите докази што биле најавени на рочиштето, најавила дека ќе бара утврдување на надлежност на Основното јавно обвинителство за овој предмет, имајќи предвид дека со новите докази, тој, можеби, ќе стане предмет на интерес на Специјалното јавно обвинителство, кое, меѓу другото, има мандат и во однос на предметите што произлегуваат од незаконското прислушување.
Веста што ја рецензираме тоа ја прави прилично проблематична во однос на нејзината точност.
Од аспект на повреда на професионалните стандарди, веста која, очигледно, не ја препознала нијансата што ја одредува фактичката позиција, се судира со првиот член на Кодексот на новинарите, кој налага објавување на точни и проверени информации.
Дури и самиот медиум, подоцна, во проширената информација од овој настан, се демантира себеси. Во ТВ-прилогот е вклучена и изјава на обвинителката, која сосема прецизно, иако правнички и процедурално внимателно, соопштува дека ќе бара мислење од нејзините претпоставени за тоа дали обвинителството што таа го застапува ќе биде надлежно и понатаму за овој случај.
Според ова, во конкретниот случај е направен пропуст, а брзината никогаш не може да биде оправдување за неточност.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
Делумно
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
2 извори
повеќестрани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
нема извртување на вистина (спин)
нема лажни информации
балансираност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
несензационален
несоодветен
нејасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови