„Бог да чува“ новинарство
Објавено во Рецензии
on 2 - 02 - 2015 Автор: Александар Пешев
Сензационализам базиран на урбана легенда. Непотребно потресување на гледачите со информативен наслов, кој создава впечаток дека дента се случило нешто потресно. Единствената „шокантна“ работа во ваквата објава е што се сметало за целсходно да се препише мит и истиот да се пласира како информација.
Наслов на анализираниот напис: Приказна која ќе ве шокира: Момчиња загинале во сообраќајка, а во багажникот…
Датум и време на објавување: 27.01.2015
Датум на рецензирање: 02.02.2015
Рецензент: Александар Пешев
Несериозно и непотребно оптоварување на медиумскиот простор со урбана легенда која веќе подолго време кружи низ социјалните мрежи и преку електронска пошта. Содржина која не е соодветна за целата публика и не се знае зошто воопшто е битна ваквата информација. Ако функцијата на едно јавно гласило е да информира и да едуцира, имаме промашена информација.
Веќе неколкупати сме поентирале дека новинарот и уредникот мора да се запрашаат „Па што?“ пред објавување на која било информација. Едноставно прашање кое дава одговор за релевантноста на информацијата за публиката, било читатели или слушатели. Ваквата информација, која не е подржана со изјави и за која нема наведено извор, дава краток и јасен одговор на најпотребното прашање пред објавување: „Па ништо!“.
Ако веќе се фаќаме за веродостојноста на информацијата, истата кружеше како популарно наречена спам електронска пошта (spam), и тоа од поодамна. Фали уште непотпишаниот автор на оваа објава да го допреведе и последниот дел од копираниот текст за да ја комплетира информацијата: „Препратете го ова на 10 пријатели за Бог да ве благослови“.
Дали забележливиот пробив на вакви информации, непроверени копии со крајно сомнителна веродостојност, укажува на посериозни проблеми во дел од мејнстим-медиумите, како попреченост да се известува за порелевантни теми е прашање за друга пригода. Во секој случај, непримерно е темите од важност за публиката да се засенуваат со вакви несериозни објави.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
неверодостојни наводи
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
ПРИСТРАСНОСТ
не може да се утврди
не може да се утврди
не може да се утврди
не аплиактивно
КОМЕНТИРАЊЕ
ПЛАГИЈАТ
целосна копија
ненаведен автор, ненаведен извор
КВАЛИТЕТ НА НАСЛОВОТ
не информира
некреативен
сензационален
несоодветен
нејасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови