Без втора страна, нема вест
Објавено во Рецензии
on 24 - 08 - 2015 Автор: Xhenis Sulimani
[Рецензија: Голем раскол во „Беса„. Aлармирани центрите во Истанбул!]
Според новинарскиот кодекс, новинарот треба да ја опфати и „втората страна“, односно да им даде можност на двете страни што се прикажани во новинарскиот продукт да ги искажат своите ставови. Ова начело уште повеќе доаѓа до израз кога новинарот изразува сомнежи или обвиненија или кога некој е цел на напад или критика.
Линк до оригиналниот наслов: Голем раскол во „Беса“. Aлармирани центрите во Истанбул!
Датум и време на објавување: 17.08.2015
Датум на рецензија: 19.08.2015
Рецензент: Џенис Сулимани
Во новинарскиот продукт што го рецензираме новинарот искажува сомнеж за евентуален раскол во Движењето „Беса“, повикувајќи се на внатрешен извор од политичкиот субјект, но не ја потврдил информацијата што ја пласирал во јавноста.
„Еден анонимен извор на висока позиција во „Беса“ информира дека постои голем ривалитет помеѓу претендентите за претседател на партијата и отпор кон актуелниот координатор, кој што е неприфатлив за некои асоцијациии, кои што сметаат дека е нехаризматичен и недостоен за да го води движењето.“
Наместо да ја потврди информацијата, обидувајќи се да обезбеди и други извори, новинарот со неговите коментари се обидува да го потврди тоа што го напишал во насловот. Тоа е практика која не ги почитува новинарските стандарди. „Овој ривалитет може да создаде голем раскол во движењето за што се алармирани и некои центри во Истанбул, кои што решиле да испратат емисар за да ги помири водачите на асоцијациите внатре во „Беса“.“
Шпекулациите и сомнежите треба да се мета на новинарот, но за да ги потврди, а не за да ги пласира непроверени или без да се опфати и страната за која се наведени сомнежите.
Новинарот има право да известува за можни сомнежи, меѓутоа во овој случај требало да има и официјален став на движењето. Како таков, текстот се смета за тенденциозен и наместо во информирањето, вниманието на јавноста се насочува токму кон елементите што не соодветствуваат со коректното известување.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
1 извор
еднострани
СЕОПФАТНОСТ
сеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
стилски неуреден
неповрзан со тагови