Без содржина и со коментари не се прави вест
Објавено во Рецензии
on 27 - 06 - 2016 Автор: Adrian Kerimi
Напис: Само во МК: Се поништува одлуката за поништување на одлуката… за имињата на училиштата (документ)
Ова е можно само во Македонија. Министерот Пиштар Лутфиу ја поништил одлуката на заменикот министер Спировски со која е поништена одлуката на поранешниот министер Абдилаќим Адеми, за промена на имињата на училиштата во Чаир, пишува „Факте“. И сега, оваа одлука не ја спроведува Централниот регистар под раководство на ВМРО-ДПМНЕ.
Случајот со исмејувањето на албанските имиња на двете училишта во Чаир ја покажува најдобро неспособноста на ДУИ како партнер на власт. Освен тендерите и личните профитирања, функционерите на оваа партија немаат ниту една можност и друг интерес.
[Рецензија: Само во МК: Се поништува одлуката за поништување на одлуката… за имињата на училиштата (документ)]
Новинарството нема право да прави категоризации и oценувања. Се случува или не во Македонија, задача на новинарот е тоа што се случува да стане вест и да се информира јавноста, додека другиот дел, проценката, им припаѓа на читателите. Текстот што го рецензираме има голем број професионални пропусти. Првин, насловот е несфатлив и на прво читање не се разбира за што станува збор, односно насловот со формулација „одлуката за поништување на одлуката“ е разбирлив за авторот, но не и за читателот, кој можеби првпат чита за прашањето за имињата на училиштата.
„Ова е можно само во Македонија. Министерот Пиштар Лутфиу ја поништил одлуката на заменикот министер Спировски со која е поништена одлуката на поранешниот министер Абдилаќим Адеми, за промена на имињата на училиштата во Чаир, пишува „Факте“. И сега, оваа одлука не ја спроведува Централниот регистар под раководствто на ВМРО-ДПМНЕ“.
Линк до оригиналниот напис: „Само МК: Се поништува одлуката за поништување на одлуката…за имињата на училиштата (документ)”
Датум и време на објавување: 14.06.2016
Датум на рецензирање: 18.06.2016
Рецензент: Адриан Керими
Текстот има коментари и овој пристап е надвор од професионалните рамки. Освен коментарите, текстот содржи и „обични“ обвиненија, за кои не е дозволено да се кажат од самиот новинар, туку можеби од јавноста, читателот или вклучените страни. Новинарот нема право без докази да ѝ каже на јавноста дека одредени функционери имаат интерес само за тендери и за лични профитирања. Тоа е теза дискутирана секаде во јавноста, но во информативна содржина за тоа требаат факти.
„Случајот со исмејувањето на албанските имиња на двете училишта во Чаир ја покажува најдобро неспособноста на ДУИ како партнер на власт. Освен тендерите и личните профитирања, функционерите на оваа партија немаат ниту една можност и друг интерес“.
Во написот се прикачени релевантни фотографии, што го илустрираат тоа што текстот го има во суштина. Сепак, потребна е една кратка заднина што би ѝ дала повеќе квалитет на содржината. Новинарот е обврзан да ги потсети читателите кој е досегашниот исход на именувањето на училиштата во Чаир, колку од нив се преименувани и зошто ова прашање останало уште нерешено и проблематизирано.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
СЕОПФАТНОСТ
сеопфатнo
можеби се прикриени информации
ПРИСТРАСНОСТ
делумно прикажува вистина
нема извртување на вистина (спин)
нема лажни информации
наклонетост
политичка пристрасност,
КОМЕНТИРАЊЕ
има коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
не информира
некреативен
несензационален
несоодветен
нејасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови