Бајачи и јасновидци повторно и повторно
Објавено во Рецензии
on 10 - 06 - 2015 Автор: Владо Ѓорчев
[Рецензија: Што точно предвиде Баба Ванѓа за спас на Македонија!?]
Текстови во кои има приказни за тоа што предвиделе бајачите и јасновидците низ историјата, се појавуваат речиси постојано во македонските медиуми. Тоа, најверојатно, покажува и до кое дереџе ни е дојдено новинарството, кога главните теми ни се баба Ванѓа, Нострадамус, Иван исцелителот, јасовитката Клеопатра… Инаку, овие текстови немаат никаква врска со вистината, објективноста, содржајноста и слично, туку се само четива кои ги има за повеќе кликнувања без поголема важност. Но, тоа не е ниту толку важно за овие написи. Важно и проблематично е што ваквите писанија имаат читатели, па дури и има луѓе кои им веруваат. Е, тоа е сериозен проблем кој го креираат медиумите, пласирајќи вакви информации преку кои се бега од реалноста и преку нереални пораки се влева некаква лажна надеж кај граѓаните.
Линк до оригиналниот напис: Што точно предвиде Баба Ванѓа за спас на Македонија!?
Датум и време на објавување: 01.06.2015, 12:49
Датум на рецензирање: 08.06.2015
Рецензент: Владо Ѓорчев
Откако постои новинарството, јасновидците се интересни и за медиумите и за народот. Тоа е и разбирливо затоа што секој има желба да ја дознае иднината. Поради тоа, речиси секојдневно можат да се прочитаат и да се слушнат разно-разни претскажувања за тоа кој ќе победи на избори, кој политичар ќе има подем, а кој пад во својата кариера, каква година ја очекува државата, дали ќе се подобри економската состојба, дали ќе се реши спорот за името, итн. Тоа, можеби, и на моменти е забавно, сè додека не се претера. Овде токму тоа е и најголемиот проблем. Помината е црвената линија на добриот вкус. Од неколку прични.
Прво, никаде не е наведено кој е тој човек што зборувал со баба Ванѓа? Да, спомнат е со презиме, но – толку. Нема каде точно работел, во која поранешна влада. Нема зошто отишол кај оваа јасновитка. Се наведува дека бил приватно, но дознал и за Македонија. И како сето ова може да се провери? Никако! Нема ниту сведок, како дете, внук и слично, кој би раскажал дека навистина неговиот роднина бил кај баба Ванѓа и го дознал она што го тврди овој медиум. Вака, имаме само шпекулација или нагаѓање дека навистина можеби и било така. Башка, овој текст шета низ медиумите со години, а ова му е само последна верзија.
Во вториот дел од текстот се зборува за рудникот Алшар. И околу овој рудник постојано се шират мистерии, исто како и во овој текст. Сето тоа не е проверено и нема релевантни докази. Точно е дека таков рудник постои и дека има извесни минерали, ама – толку. Досега не е преземена некоја инцијатива да се провери што точно и во колкави количества има за да може да се каже дека овој текст е веродостоен. Вака како што е напишано, со претпоставки и со легенди, тоа е само шпекулација за која треба цврсти докази за да стане вистина.
Ова не смее да се случува во медиумите до оваа мера. Тоа само го вулгаризира новинарскиот простор и го загадува со небитни и со штетни работи. Или, на крајот на краиштата, ако веќе и има вакви написи, тие треба да бидат сведени на минимум.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, наведен извор со линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови