verifikimiifakteve.mksitemap
verifikimiifakteve.mksitemap

Анкета на тенок мраз

on 15 - 08 - 2016       

08132016-Skopjeinfo-Srbi

[Рецензија: Каде се сега браќата срби да донираат пакет вода и храна за настраданите семејства од поплавите?]

Многу, многу сомневања предизвикува оваа медимска содржина во однос на нејзината веродостојност. Како прво, кога се известува за катастрофи и за вонредни состојби, се користат секогаш официјални и овластени извори. Особено за теми како што е оваа, која ја зачнува овој текст. За тоа кој се вклучил на каков било начин во помош на настрадани граѓани, евиденција и точни информации имаат овластените и официјални институции.

Во оваа медиумска содржина нема ниту еден таков извор. Тоа е базично недозволиво.

08132016-Skopjeinfo-SrbiЛинк до оригиналниот напис: Каде се сега браќата срби да донираат пакет вода и храна за настраданите семејства од поплавите?     

Датум и време на објавување: 10.08.2016, 14:04

Датум на рецензирање: 13.08.2016

Рецензент: Зоран Бојаровски

 

ЕЛЕМЕНТАРНА НЕПИСМЕНСОСТ

Не може врз основа на анкета да се изведува заклучок каков што навестува насловот, дека од соседна Србија нема хуманитарна и солидарна помош.

Освен тоа, анкетата е многу сомнителна. Кои се Ристо В. и Иванка Р.? Дали може, ако воопшто постојат, врз основа на една емотивна реакција на двајца граѓани да се изведува општ заклучок? Ова укажува на сериозна новинарска незрелост.

Како да знаеме, ако воопшто постојат, дека на овие граѓани не им се изнудени овие одговори со итри, сугестибилни прашања?

Токму за да не се случи да се постават овие прашања и да не се доведе под сомневање еден ваков „новинарски“ текст, треба да се користат официјални и овластени извори кога се известува за вакви ситуцаии.

Тенкиот мраз на кој почива оваа содржина „пука“ уште во коментарите поврзани со неа на самиот портал. Таму граѓаните поставиле неколку линкови што го демантираат тврдењето во текстот.

И нашата проверка го потврдува тоа. Истиот ден кога е објавен овој текст, сретнуваме и вакви наслови: „U Makedoniju krenula 43 srpska vatrogasca“ (Во Македонија се упатени 43 пожарникари“), „Srbija uputila pomoć Makedoniji posle katastrofalnih poplava, pripadnici MUP-a već na terenu“ („Србија упати помош за Македонија по катастрофалните поплави, припадниците на МВР се веќе на терен“)…

Оваа, по многу елементи, острастена содржина целосно се саморазоткрива со завршната реченица која прашува:

„Ахх бре македонче кога ќе се освестиш?!“

И што порачува завршната реченица на овој текст? Дека соседите нè мразат?! Дека ние, Македонците, во иднина не треба да бидеме хумани и солидарни?!

Освен тоа, констатираме елементарна неписменост: Срби, Македонци… се пишува со голема буква, а не со мала како овде.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

не може да се утврди точноста на наводите

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

анонимни

нерелевантни

2 извори

еднострани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

не може да се утврди

извртување на вистина (спин)

не може да се утврди

наклонетост

политичка пристрасност, друга пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

оригинално дело

ненаведен автор

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

наведен автор(извор)

infoVistinitostГОВОР НА ОМРАЗА

навредлив говор

нема говор на омраза

не потикнува на насилство

дискриминира

национална дискриминација

infoVistinitostУРЕДЕН ЗА ВЕБ

читлив

нема мултимедијални елементи

нема контекстуални линкови

стилски неуреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести