Аналитичарката застапник!
Објавено во Рецензии
on 14 - 10 - 2016 Автор: Зоран Бојаровски
[Рецензија: Игра ли опозицијата опасна игра обидувајќи се трет пат да избегне избори?]
Прашањето на избалансираност е едно од најдобро елаборираните прашања во укажувањата што доаѓаат од теоријата на новинарството и од неговото практикување. Едноставно, не е етички, ниту професионално, да се презентираат еднострани, а следствено на тоа, пристрасни, информации, а уште помалку ставови, односно мислења.
Згора на тоа, уште понепрофесионално е тој тип на пристрасност и постапки да се „покриваат“ со – аналитичари. Аналитичарите, во принцип, треба да се стручни лица кои поседуваат знаење да расудуваат одредени процеси без да заземаат страна. Тоа е таа студена академска позиција.
Но, бидејќи тоа што во светот е правило, кај нас е исклучок, а тоа што во светот е исклучок, кај нас е правило, е една изместена ситуација во која имате позиционирани аналитичари – на страната на политичката позиција или опозиција.
Но, дури и тогаш, медиумите треба да балансираат. Да судрат, да споредат и да стават на увид на јавноста аналитичари од двете страни.
Тоа, во случајот на медиумската содржина што ја рецензираме тука – не е пример.
Линк до оригиналниот напис: Игра ли опозицијата опасна игра обидувајќи се трет пат да избегне избори?
Датум и време на објавување: 13.10.2016 , 12:50
Датум на рецензирање: 14.10.2016
Рецензент: Зоран Бојаровски
САМО ЕДНА СТРАНА
Имаме содржина која својата суштина и порака ја формира врз основа на ставот, мислењето, на само една аналитичарка. Право на аналитичарката е да се определи на која страна на политичкиот спектар и, уште повеќе, која политичка опција ќе ја застапува приватно. Но, кога тоа го прави јавно, таа веќе не е аналитичар, во суштинската смисла на зборот, туку станува – застапник.
Секако, треба да нагласиме дека и во една таква ситуација, таа не е „виновна“. Нејзината определба треба да ја препознае медиумуот кој, доколку сака да биде објективен и непристрасен, покрај оваа, треба да ја понуди и другата опција. Во име на јавниот интерес. Зашто, ако не го направи тоа, го нарушува принципот на членот 5 од Кодексот на новинарите кој нагласува:
Новинарот ќе ги почитува законите во државата, но нема да објави или сокрие ништо што е во спротивност со јавниот интерес.
Оттаму произлегува и следното прекршување на уште еден член од Кодексот, членот 14, кој ја елаборира темата на непристрасноста и професионалната дистанца:
Известувањето од политичките процеси, особено од изборите треба да биде непристрасно и избалансирано. Новинарот мора да обезбеди професионална дистанца од политичките субјекти.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
делумно
ИЗВОРИ НА ИНФОРМАЦИИ
има евидентирани извори
неофицијални
релевантни, нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
селективно наведен автор (извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови