Ако не мислиш како власта, тогаш си СДСМ?!
Објавено во Рецензии
on 25 - 01 - 2016 Автор: Димитар Тануров[Рецензија: Алексов од МОСТ со исти ставови како на СДСМ]
Написот е коментаторски и едностран, не се темели на факти и се обидува да ја дискредитира професионалноста на личноста која стои на чело на граѓанската Асоцијација за следење на изборите „Мост“. Во него се испуштаат информации за да се направи спин и да се создаде поинаква слика, која кореспондира со ставовите на власта.
Линк до оригиналниот напис: Алексов од МОСТ со исти ставови како на СДСМ
Датум и време на објавување: 22.01. 2017,10:22
Датум на рецензирање: 24.01.2016
Рецензент: Димитар Тануров
ДИСКРЕТИТИРАЊЕ
„Директор на граѓанската асоцијација МОСТ или нов портпарол на СДСМ? Дарко Алексов деновиве настапува со тезите на Зоран Заев, а не ја врши работата за која е задолжен.“
Уште со поднасловот се најавува дека текстот има цел да го нападне и дискредитира првиот човек на „Мост“. Ставовите на Алексов се спротивни на тие што ги има власта, па поради тоа, во написот се наметнува заклучок дека ако тој не е со власта, мора да е со опозицискиот СДСМ!
Во текстот се дава изјавата на Алексов, во која тој, потсетувајќи на роковите предвидени со Договорот од Пржино и нивното пробивање, вели дека временскиот рок за целосно прочистување на избирачкиот список е прекраток. Ваквата изјава веднаш потоа се коментира без факти, а главна цел е да се дискредитира професионалноста и независноста на граѓанската организација:
„Јавноста која ја слушна оваа изјава сигурно помисли дека се ова зборови на Зоран Заев.“
Во текстот не се наведува кој ја финансира организацијата ниту, пак, се прави обид да се провери тоа. Но, поради изјавата на Алексов, којашто не се совпаѓа со ставовите на власта, се покренува прашањето за начинот на финансирање на граѓанската организација и без поткрепа од факти се обидува да се наметне дека „е финансирана од Соросвцата фондација“.
На крајот на написот се наведува дека само Заев и „Мост“ сметаат дека е прекраток рокот за прочистување на избирачкиот список, а не се споменува дека и претседателот на Државната изборна комисија, Александар Чичаковски, го смета истото, ниту, пак, се пренесуваат сомнежите на европратеникот Ричард Ховит, кој посредуваше во носењето на Договорот.
Вака конструираниот текст, без издржана аргументација и со исуштени податоци, не ѝ овозможува на јавноста сама да оформи став, што е спротивно на новинарските стандарди. Очигледно е дека со начинот на презентирање и на коментирање на информацијата се цели кон уривање на професионалниот кредибилитет на првиот човек на „Мост“ и кон презентирање на ставовите на власта.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
не информира
некреативен
несензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови